ہر لحظہ ہے رحمت کی برسات مدینے میں فیضان محمد ﷺ ہے دن رات مدینے میں پلکوں پہ سجاوءں گا خاک مدینے کی لے جائیں اگر مجھ کو حالات مدینے میں کچھ ہار درودوں کے ہے زاد سفر میرا لے جاوءں گا اشکوں کی سوغات مدینے میں عرشی بھی سوالی ہیں فرشی بھی سوالی ہیں ملتی ہے شفاعت کی خیرات مدینے میں دربار سے کوئی بھی ناکام نہیں پھرتا سنتے ہیں وہ سائل کی ہر بات مدینے میں جس ذات کی برکت سے ہے نام ظہوری کا ہے جلوہ نما ہر سو وہ ذات مدینے میں ہر لحظہ ہے رحمت کی برسات مدینے میں فیضان محمد ﷺ ہے دن رات مدینے میں الحاج محمد علی ظہوری علیہ الرحمہ #محمدعلیظہوری

(منقبتِ شیرِ خدا حضرتِ علی رضی اللہ تعالیٰ عنہ) ⚡حیدری رنگ میں رنگ جاؤ میرے یار⚡ وہ علی شیرِ خدا ،جن کا بیاں باغِ ہدی ،جن کی نگہ نورِ خدا ،جن کی زباں صدق بیاں،جن کی ہر اک طرزِ ادا سنتِ سرکار وہ ہیں اک نعمتِ غفار، عطاۓ شہِ ابرار ،شجاعت کے علمدار، وہ ہیں باغِ ولایت کےطرفدار ،علی سے ہے ہمیں پیار ⚡حیدری رنگ میں رنگ جاؤ میرے یار⚡ ان کی کعبے میں ولادت ،ہوئ مسجد میں شہادت ،یہ ہے کتنی بڑی عظمت،کہ ہر اک دل بسی ان کی محبت ،یہ ہے فضلِ شہِ کونین ان کی خدمات سے ہے علم کے باغات میں ، ایمان کی سوغات میں ،اسلام کے ایوان میں ،دامان میں، اک فصلِ بہار ⚡حیدری رنگ میں رنگ جاؤ میرے یار⚡ وہ علی ، میرے علی پیارے علی ،سچے علی ،اچھے علی ،جن کو مِرے آقا کی ،بیٹی ہے ملی ،جن کو جہاں کہنے لگا حیدرِ کرار علم کے باب ہیں ،اصحاب میں شاداب ہیں ،وہ تحفۂ سرکار ہیں ،دنیاۓ محبت میں ضیابار ہیں اسلامی چمن کی ہیں بہار ⚡حیدری رنگ میں رنگ جاؤ میرے یار⚡ وہ ہوۓ فاتح خیبر، مِرے سرکار کے دلبر،پدرِ سبط پیمبر ، ہوئے سب ولیوں کے سرور،وہ ہوۓ گلشنِ اصحاب کے گلزار ان کی بے مثل شجاعت پہ ہے صدیق کو بھی ناز ،صحابہ میں ہوۓ کتنے وہ ممتاز ،مِری ٹوٹی زباں سے نہیں ہو سکتا یہ اظہار ⚡حیدری رنگ میں رنگ جاؤ میرے یار ⚡ جب لیا نامِ علی ،مشکلیں سب دور ہوئ ، دل کی کلی کھِلنے لگی ، حالتِ مضطر میں ملا چین و قرار ہر قدم پہ ہے مجھے ان کا سہارا ، میرا ہر کام ہے بنتا ، انہیں کے دم سے مہکتا ہے مِرا آج یہ کردار ⚡حیدری رنگ میں رنگ جاؤ میرے یار⚡ قلب میں جذبۂِ ایمان لیۓ مشعلِ صدیق لیۓ جرأتِ فاروق لیۓ الفتِ عثمان لیۓ مولا نے حکمِ سرکار سے دروازۂِ خیبر کو اکھاڑا کہیں مرحب کے تکبر کو بھی مٹی میں ملایا وہ بنے دین کی تلوار ⚡حیدری رنگ میں رنگ جاؤ میرے یار ⚡ بہرِ گستاخ وو تلوارِ خدا ، خنجرِ محبوبِ خدا ، ان کے علی نام سے لرزہ ہیں ابھی تک سبھی اَیوانِ عدو کل بھی تھا نامِ علی ،آج بھی ہے نام علی، حشر تلک گونجے گی اس نامِ علی کی جہاں میں ہر سو پکار ⚡حیدری رنگ میں رنگ جاؤ میرے یار⚡ وہ کہاں شیرِ خدا جانِ وفا ، نورِ نبی شانِ ولی، بہرِ شقی ،قہرِ جلی اور کہاں ادنیٰ قلم ہے مِرا تفسیر رضا مدحتِ مولی علی کیسے کروں ، کیا کیا لکھوں، شانِ علی ہے مری حد سے بھی فزوں، بس یوں ہی میں ذکرِ علی کرتا رہوں، لیل و نہار ⚡حیدری رنگ میں رنگ جاؤ میرے یار⚡ تفسیر رضا امجدی #تفسیررضاامجدی

مدحِ میرِ چِشت سیدنا مُعینِ اُمت قدسَ اللہُ سِرہٗ سَفِیرِ دینِ امیرِ حرمﷺ غریب نوازؒ معینِ اُمتِ شاہِ اُممﷺ غریب نوازؒ بَہ لُطفِ شاہِ نجفؑ مطلعء وِلایت پر ہے روشنی تری بدرِ عَجَم غریب نوازؒ وُجُودِ کُفر کو مِثلِ اَجَل نظر آۓ زمینِ ہند پہ تیرے قدم غریب نوازؒ بَھجَن سَرا بھی پڑھے لَا اِلہٰ اِلَّا اللہٰﷻ کمال ہے تِری چَشمِ کَرم غریب نوازؒ بَر اوجِ چِشت بَہ فیضِ جنابِ غوثِ زمنؓ ہے تیرے فقر کا جُنباں عَلَم غریب نوازؒ تِرے کرم سے وہ آزادِ نارِ دوزخ ہے جو تھا جنم سے اَسیرِ صَنَم غریب نوازؒ تِرے طریق پہ جو گامزن ہے صبح و مَسا رواں وہ شخص ہے سُوۓ اِرَم غریب نوازؒ برہنہ پاء تِری چوکھٹ پہ چل کے آتے ہیں شَہِیر تاج وَر و ذی حشم غریب نوازؒ عجب ہے شان تری اے ندیمِ غوثِ جلیؓ فریدؒ و قطبؒ ہیں تیرے خَدَم غریب نوازؒ مداحِ حضرت معینِؒ اُمت ۔۔۔ پیرزادہ محمد ندیم اختر ندیم حنفی القادری المنگانوی #محمدندیماخترندیمحنفیالقادری

تو قبلہ گہِ عرصہ گہِ ہست و عدم ہے تو مبدءِ امکان و تجلئ قدم ہے تو مکتبِ آگاہئ اسرارِ ہویت تو تاجِ مسانیدِ خطیبانِ حِکم ہے ہے لا یتجزیٰ ترا ہر جزوِ تکرم ہر وصف میں تو جوہرِ تفریدِ اتم ہے جھکتی ہیں ترے سامنے اعناقِ زمانہ دہلیز تری سجدہ گہِ بابِ حرم ہے ہر شے پہ ترے پرتوِ انوار کا غلبہ ہر نقش تری ہیبتِ اجلال پہ خم ہے واجب ، کہ ترے فوقِ سرِ ذات کا تمغا ممکن ، کہ ترا تحت برِ گردِ قدم ہے بس مرتبۂ حضرتِ مطلق میں نہیں دخل جز اس کے تجھے خلق نے جتنا کہا کم ہے پہنچا نہ کوئی تیری حدِ مدح پہ اب تک حیرت میں عرب سربگریبان عجم ہے کہہ اٹھا ادب زارِ زماں اَوجِ سخن دیکھ آہنگ بتاتا ہے یہ رازی کا قلم ہے از : میرزا امجد رازی #میرزاامجدرازی

اے نبی کے جانشینِ اوّلیں تم پر سلام ناز بردارِ مزاجِ شاہِ دیں تم پر سلام ثانئِ اثنین اے محبوبِ داور کے رفیق جانثارِ رحمتُ لِّلعالمیں تم پر سلام وقت کےکذّاب کوکیسےکُچل کےرکھدیا حافظِ ناموسِ ختمُ المُرسلیں تم پرسلام اے امامُ الاصفیا سرمایۂِ مہر و وفا کجکلاہِ کِشور صِدق ویقیں تم پر سلام اے اسیرِ حلقۂِ زلفِ مُعنبّر مرحبا اے شہیدِ ہر دوچشمِ نرگسیں تم پر سلام بلبلِ گلزار معنٰی گُلبنِ طُوبائے نور اے بہارِ گلشنِ اہلِ یقین تم پر سلام سرمۂِ چشمِ غزالاں تیری تربت کا غُبار اے مکینِ قصرِ فردوسِ بریں تم پر سلام باعثِ تسکینِ قلبِ خَستگاں نظرِ کرم ! غمگسار و مونسِ جانِِ حزیں تم پر سلام نسبتِ صدیق اکبر سے ہوں ثاقب سرفراز گر چہ اس اعزاز کے قابل نہیں تم پرسلام کلام : پیر ثاقب رضا مصطفائی #پیرثاقبرضامصطفائی

منقبتِ سیدنا صدیقِ اکبر، عتیقِ اطہر رضی اللہ عنہ از امام احمد رضا خان فاضل بریلوی رحمۃ اللہ علیہ ایا دلے کہ رسیدت غم و الم بسیار بیا بہ حضرتِ صدیق شاہِ صدق شعار یہی ہیں اَکرَمَکُم اور یہی ہیں اَتقٰی کُم یہی ہیں ثَانیِ اِثنین اِذھُمَا فِی الغَار وہ دو یہی ہیں کہ جن دو کا تیسرا ہے خدا یہ دو وہی ہیں کہ جن کا خدا ہے وصف شمار نہیں ہے ان پہ کچھ احساں کسی کا دنیا میں کہ اس کے بدلے میں کرتے ہیں رحمتیں ایثار غرض ہے صرف رضائے حق اس سخاوت سے خدا گواہ ہے شاہد ہیں احمدِ مختار ﷺ جو ان سے دل میں رکھے پیچ و تاب اَفعی ساں خدا کی مار ہو اس پر شقی ہو وہ فی النار امیرِ خیلِ صحابہ قوامِ دین الہٰہ وزیرِ خسروِ عالم امامِ اہل وقار نظامِ بزمِ خلافت حُسامِ رزمِ جہاد خدا کے لشکرِ جرار کے سپہ سالار نہیں ہے بعدِ رسل ان کا مثل عالم میں یہی ہے میرا عقیدہ یہی ہے راہِ خیار یہ اہلِ بیت کے واصف وہ ان کے مدح طراز یہ اُن پہ جان سے قرباں وہ اُن پہ دل سے نثار ریاضِ قدس میں جو گل نسیمِ قدس کھلائے وہ پہلے آ کے بنے ان کا طرۂ دستار انہیں کے واسطے شایاں ہے الَّذین معہٗ وہ جوشِ بحرِ معیت رہا کہ حد نہ کنار ملا ہے نشوونما گلبُنِ حجاز کے ساتھ رہی ہے تا دمِ آخر حضوریِ دربار نہ چھوڑا بعدِ فنا بھی نبی کے قدموں کو اُٹھیں گے دست بدستِ جنابِ روزِ شُمار الٰہی چاروں خلیفہ کا صدقہ اِغفِرلی طفیلِ سیدِ عالم قِنا عذابَ النَّار کلام : اعلی حضرت امام احمد رضا Naat Academy #اعلیحضرتاماماحمدرضاخان #حدائقبخشش

دل وہی دل ہے جو آقا تمہیں پہچان گیا ہے وہ مومن جو تمہیں جان گیا مان گیا سر وہی سر ہے کہ جس سر میں ہے سودا تیرا ہے وہ دانا جو ترے قدموں پہ قربان گیا ورفعنا لك ذکرك کا جسے درک نہ تھا لاکھ عالم ہو مگر دہر سے نادان گیا والضحی والے کے جلوں پہ جو شیدانہ ہوا گو کہ عاقل تھا صد افسوں کہ انجان گیا ان کی جس شخص نے اک ذرہ بھی گستاخی کی یہ سمجھ لو کہ اس انسان کا ایمان گیا اس کے خاروں کے بہشتوں نے لئے ہیں بو سے جس بیاباں سے مرا سید و سُلطان گیا خُوب برسائی مری آنکھوں نے ساون کی جھڑی آ کے طیبہ میں مرے سینے کا طوفان گیا مصطفٰی نوری تہ مرقد انور پہونچے ہند سنسان ہوا صاحب عرفان گیا شاہ بغداد کی خوشبو ملی شعروں میں ترے بدر عالم میں ترا راز نہاں جان گیا حضرت علامہ بدر القادری علیہ الرحمہ #علامہبدرالقادری

لِلّہ الحمد کہ ہم نے اسے چاہا آہا جس کے ہر وصف کو خالق نے سراہا آہا چودھویں رات کا چاند ان کو کہا ہے رب نے از روئے علمِ عَدَد دیکھیے ! ” طٰہٰ ” آہا نامہ چمکا بہ ثنائے رخِ مہرِ طیبہ دھل گیا مدحتِ گیسو سے سیاہا آہا تیرا دربار ہے دربارِ خدا ، اس پہ دلیل حکمِ جاؤوک ہے کونین پناہا آہا ! چاند پر داغ ہیں ، خور گرم ہے ، لیکن تیرا چہرہ ہے صاف خنک مہر کُلاہا ! آہا مصدرِ کل ہے ترا نور ، عوالم مشتق مرجعِ کُل تِرا دربار ہے شاہا آہا اِسمِ اعظم ہے تِرا کنجیِ قفلِ مقصود یادِ جاں بخش تِری ردّ بلاہا آہا نُصرتِ رحمت ِ عالم وہاں دم میں پہنچی امّتی جب بھی کسی جا سے کراہا آہا یادِ گیسو میں لبِ شام پہ “واللیل ” کا وِرد صبح پھوٹی ہے بہ تذکارِ ” ضُحٰھا ” آہا ہم کمینے تو عطاؤں پہ بھی مجرم ہی رہے پِھر بھی آقا نے تعلّق کو نباہا آہا آج محفل میں سخن ہائے معظؔم سن کر سارے یارانِ ثنا بول اٹھے آہا آہا از✍محمد مُعَظَّم سدا معظؔم مدنی حالیہ سکونت : ملتان #محمدمعظمسدامعظممدنی

دورِ حاضر کے نوجوان نعت گو شاعر ندرت مفتی محمد معظم سدا معظؔم مدنی کا خوبصورت عمدہ کلام ۔۔۔۔۔۔۔۔۔۔ اِک وصفِ اُلوہی ہے تری ذات میں مفقود اے شاہد و مشہود ! ہروصفِ حَسَن اس کے سوا تجھ میں ہے موجود اے شاہد و مشہود ! گنتی کی حدوں سے ترے اوصاف سوا ہیں عقلوں سے ورا ہیں اور دائِرہِ خامۂِ مخلوق ہے محدود اے شاہد و مشہود کیا طرفہ تعلق ہے یہاں دونوں کے مابین حیران ہیں کونین تو رب کا محمد ہے تو وہ تیرا ہے محمود اے شاہد و مشہود پہچان کے بھی تجھ کو نہیں مانے کِتابی ہے نَصِّ کتابی تو اپنے کمالات کے باعث ہوا مَحسود اے شاہد و مشہود حِکمت ہے کہ پردے میں رہا حسنِ دل آرا اے شاہ تمہارا ورنہ تو جہاں مان ہی لیتا تمہیں معبود اے شاہد و مشہود _____________________ از✍محمد معظم سدا معظؔم مدنی حالیہ سکونت : ملتان #محمدمعظمسدامعظممدنی

اُنﷺ کے قدموں سے لپٹ جاٶں قضا سے پہلے اپنے دامن میں چھپا لیں گے سزا سے پہلے اُنﷺ کے انوار سے روشن ہے خلا کا سینہ اُنﷺ کی تخلیق ہوئی ارض و سما سے پہلے اُنﷺ کی تعظیم مقدم ہے سخن دانی پر اشک سجدہ کریں پیمانِ وفا سے پہلے لفظ جتنے ہوں غلامی کا عمامہ باندھیں دے خدا ایسا ہنر رزقِ ثنا سے پہلے چوم لوں حضرتِ حسانؓ کے آثارِ قلم اذنِ گویائی بھی لوں کلکِ رضاؒ سے پہلے موسمِ عشق کے آدابِ وفا بھی سیکھو شہرِ طیبہ کی کھلی آب و ہوا سے پہلے تنگ دامانی کا احساس ہے اب کتنا شدید ہاتھ خالی تھے زرِ صلِّ علیٰ سے پہلے خشک ہے کب سے مرے خطۂ دل کی مٹی ٹوٹ کر برسے مری آنکھ گھٹا سے پہلے سر برہنہ ہے ابھی میری زمیں کی ممتا ہو عطا اس کو ردا میری ردا سے پہلے اہلِ طائف کی شقاوت، وہ پیمبرﷺ کی دعا یاد کرلیتا ہوں ہر کرب و بلا سے پہلے حاضری اس درِ اقدس کی بھی لازم ہے ریاضؔ عرضِ بخشش کے لیے پیشِ خدا سے پہلے ❤ریاض حسین چودھری رَحْمَۃُاللہ عَلَیْہ❤ #ریاضحسینچودھری

[vc_row type=”in_container” full_screen_row_position=”middle” column_margin=”default” column_direction=”default” column_direction_tablet=”default” column_direction_phone=”default” scene_position=”center” text_color=”dark” text_align=”center” row_border_radius=”none” row_border_radius_applies=”bg” overlay_strength=”0.3″ gradient_direction=”left_to_right” shape_divider_position=”bottom” bg_image_animation=”none” shape_type=””][vc_column column_padding=”no-extra-padding” column_padding_tablet=”inherit” column_padding_phone=”inherit” column_padding_position=”all” column_element_spacing=”default” background_color_opacity=”1″ background_hover_color_opacity=”1″ column_shadow=”none” column_border_radius=”none” column_link_target=”_self” gradient_direction=”left_to_right” overlay_strength=”0.3″ width=”1/1″ tablet_width_inherit=”default” tablet_text_alignment=”default” phone_text_alignment=”default” bg_image_animation=”none” border_type=”simple” column_border_width=”none” column_border_style=”solid”][nectar_highlighted_text color_type=”regular” highlight_color=”#5ace08″ style=”full_text” highlight_expansion=”default”] کلیاتِ شہزاد مجددی [/nectar_highlighted_text][vc_column_text] [/vc_column_text][/vc_column][/vc_row][vc_row type=”in_container” full_screen_row_position=”middle” column_margin=”default” column_direction=”default” column_direction_tablet=”default” column_direction_phone=”default” scene_position=”center” text_color=”dark” text_align=”center” row_border_radius=”none” row_border_radius_applies=”bg” overlay_strength=”0.3″ gradient_direction=”left_to_right” shape_divider_position=”bottom” bg_image_animation=”none” shape_type=””][vc_column column_padding=”no-extra-padding” column_padding_tablet=”inherit” column_padding_phone=”inherit” column_padding_position=”all” column_element_spacing=”default” background_color_opacity=”1″ background_hover_color_opacity=”1″ column_shadow=”none” column_border_radius=”none” column_link_target=”_self” gradient_direction=”left_to_right” overlay_strength=”0.3″ width=”1/1″ tablet_width_inherit=”default” tablet_text_alignment=”default” phone_text_alignment=”default” bg_image_animation=”none” border_type=”simple” column_border_width=”none” column_border_style=”solid”][nectar_btn size=”large” button_style=”regular” button_color_2=”Accent-Color” icon_family=”none” text=”Download PDF” url=”https://naatacademy.com/wp-content/uploads/2021/11/Kulyat-e-Shahzad-Mujaddidi.pdf”][/vc_column][/vc_row][vc_row type=”in_container” full_screen_row_position=”middle” column_margin=”default” column_direction=”default” column_direction_tablet=”default” column_direction_phone=”default” scene_position=”center” text_color=”dark” text_align=”center” row_border_radius=”none” row_border_radius_applies=”bg” overlay_strength=”0.3″ gradient_direction=”left_to_right” shape_divider_position=”bottom” bg_image_animation=”none” shape_type=””][vc_column column_padding=”no-extra-padding” column_padding_tablet=”inherit” column_padding_phone=”inherit” column_padding_position=”all” column_element_spacing=”default” background_color_opacity=”1″ background_hover_color_opacity=”1″ column_shadow=”none” column_border_radius=”none” column_link_target=”_self” gradient_direction=”left_to_right” overlay_strength=”0.3″ width=”1/1″ tablet_width_inherit=”default” tablet_text_alignment=”default” phone_text_alignment=”default” bg_image_animation=”none” border_type=”simple” column_border_width=”none” column_border_style=”solid”][nectar_btn size=”medium” button_style=”regular” button_color_2=”Accent-Color” icon_family=”none” text=”JOIN Whatsapp” url=”Https://wa.me/919892327786″][/vc_column][/vc_row][vc_row type=”in_container” full_screen_row_position=”middle” column_margin=”default” column_direction=”default” column_direction_tablet=”default” column_direction_phone=”default” scene_position=”center” text_color=”dark” text_align=”left” row_border_radius=”none” row_border_radius_applies=”bg” overlay_strength=”0.3″ gradient_direction=”left_to_right” shape_divider_position=”bottom” bg_image_animation=”none”][vc_column column_padding=”no-extra-padding” column_padding_tablet=”inherit” column_padding_phone=”inherit” column_padding_position=”all” column_element_spacing=”default” background_color_opacity=”1″ background_hover_color_opacity=”1″ column_shadow=”none” column_border_radius=”none” column_link_target=”_self” gradient_direction=”left_to_right” overlay_strength=”0.3″ width=”1/1″ tablet_width_inherit=”default” tablet_text_alignment=”default” phone_text_alignment=”default” bg_image_animation=”none” border_type=”simple” column_border_width=”none” column_border_style=”solid”][image_with_animation image_url=”22912″ animation=”Fade In” hover_animation=”none” alignment=”right” border_radius=”none” box_shadow=”none” image_loading=”default” max_width=”100%” max_width_mobile=”default”][/vc_column][/vc_row]

نعتِ رسولِ مقبول ﷺ اے حبیبِ رب اکبرﷺ! آپ ﷺکے ہوتے ہوئے کون اترے دل کے اندرآپ ﷺکے ہوتے ہوئے کیسے چمکیں ماہ و اخترآپ ﷺکے ہوتے ہوئے کیسے مہکیں مشک و عنبر آپﷺ کے ہوتے ہوئے کر رہے ہیں جب مری ہر اک ضرورت کا خیال کیوں میں دیکھوں غیرکا درآپﷺکےہوتےہوئے کس طرح بھائے مری آنکھوں کو دنیا کا جمال اے حسینوں سے حسیں تر آپﷺ کے ہوتے ہوئے اس قدر مجھ کو یقیں ہے دیکھ سکتا ہی نہیں کوئی غم بھی مجھ کومڑکر آپﷺکےہوتےہوئے کاش! ہوتا ساقئِ کوثرﷺ کے عہدِ پاک میں میں بھی پڑھتا نعتِ انورآپ ﷺکے ہوتے ہوئے کیا سوالوں سے ڈرائیں گے مجھے منکر نکیر قبر میں محبوبِ داورﷺآپﷺ کے ہوتے ہوئے جب مرے حامی ہیں آصف شافع روزِ جزاﷺ، کیوں کروں میں فکرِ محشرآپﷺ کے ہوتے ہوئے محمد آصف قادری #آصفقادری