Arsh walo ka Wazifa As Salato’was’Salam – Sayeed Hasnain Raza

عرش والوں کا وظیفہ الصلٰوۃ والسلام مومنوں کو رب کا تحفہ الصلٰوۃ والسلام

روح کی تسکین کا باعث درودِ پاک ہے دل کی راحت کا ذریعہ الصلٰوۃ والسلام

پیارے آقا کی محبت میں گزاریں رات دن پائیں گے خلدِ معلیٰ الصلٰوۃ والسلام

مشکلوں کا حل اسی میں رکھ دیا اللہ نے اسم اعظم ہے نبی کا الصلٰوۃ والسلام

خُلق میں کردار میں گفتار میں کونین میں مصطفیٰ ہیں سب سے اعلیٰ الصلٰوۃ والسلام

اُن کی باتیں امن کی بنیاد سب یہ جان لو ہیں ہدایت کا خزینہ الصلٰوۃ والسلام

اُن کی مدحت اور عظمت کا علمبردار ہے آسمانی ہر صحیفہ الصلٰوۃ والسلام

اپنی رحمت اور کرم سے یانبی چمکائیے سب کی قسمت کا ستارہ الصلٰوۃ والسلام

اذن طیبہ کے سفر کا دیجیے یاسیّدی میں بھی اب مدینہ الصلٰوۃ والسلام

میرے گھر پر رب تعالیٰ کا کرم ہے دیکھیے پڑھ رہا ہے بچہ بچہ الصلٰوۃ والسلام

دونوں عالم میں کہیں بھی اے رضا ممکن نہیں ہو کوئی بھی اُن کے جیسا الصلٰوۃ والسلام

کلام سیّد حسنین رضا ہاشمی