Ya Ilahi Har Jagah Teri Ata Ka Sath Ho

Ya Ilahi Har Jagah Teri Ata Ka Sath Ho Jab Pade Mushkil Shah-e-Mushkil Kusha Ka Sath Ho

Ya Ilahi Bhul Jaoo Naz’a Ki Taklif Ko Shadi-e-Didare Husne Mustafa Ka Sath Ho

Ya Ilahi Gor-e-Tira Ki Jab Aae Sakht Raat Un Ke Pyare Muh Ki Subhe Ja Fiza Ka Sath Ho

Ya Ilahi Jab Zabane Bahar Aae Pyas Se Sahib-e-Kausar Shah-e-Joodo Ata Ka Sath Ho

Ya Ilahi Garmi-e-Mehshar Se Jab Bhadke Badan Daman-e-Mehboob Ki Thandi Hava Ka Sath Ho

Ya Ilahi Nama-e-A’mal Jab Khulne Lage A’ab Posh-e-Khalk Sattar-e-Khata Ka Sath Ho

Ya Ilahi Jab Shar-e-Shamsir Par Chalna Pade Rabb-e-Sallim Kehne Vale Gham Zuda Ka Sath Ho

Ya Ilahi Jab RAZA Khvab-e-Ghira Se Sar Uthae Daulate Bedar e Ishke Mustafa Ka Sath Ho