Madina Madina Madina Madina Yahi kehte marna yahi kehte jeena
Nazar gumbade sabz par dil Madina Jo aise main maut aaye jeena hi jeena
Na poocho meri zindagi ka qareena Madina kabhi dil kabhi dil Madina
Madine se main door mujh se Madina Ye jeena hai koi jeene mein jeena
Maza de raha hai ghame ishqe Aaqa Jo girte hain aansoo wo ban kar nageena
Tumhe doobte jab kisi ne pukara Har ek mauj ban kar ke aayi safeena
Jahaan ko main baaghe iram se badal du Jo mil jaaye Aaqa tumhara paseena
Na chedo mujhe aye nakeero na chedo Woh dekho woh aa ponhche Shahe Madina
Yeh kaaba, yeh zamzam, Safa aur Marwah Madine se hai sab ki raunak Madina
Yahi Aakhri hai tamannaye Khushtar Idhar Rooh nikle Udhar ho Madina