Mustafa aap ke jesa koi aaya hi nahi
Ata bhi kese jab allah ne banaya hi nahi
Koi sani na hai rab ka na mere aqa ka
Ek ka jism nahi ek ka saya hi nahi
Zulf Vallayl hai , Rukh Vadduha mazad aakhen
Is tarha rab ne kisi ko bhi sajaya hi nahi
Aap ne jab se nawaza hai ya Rasulallah
Mene daman kisi chokhat pe bichhaya hi nahi
Jisne sarkar ke chehre ki ziyarat ki hai
Us ki nazron me koi aur samaya hi nahi
Laut kar aa gaya makke se madine na gaya
Kese jata tuje aqa ne bulaya hi nahi
Jabse darvaze pe likha mene ala hazrat
Koi gustakh e nabi ghar mere aya hi nahi
Jab talak pusht pe shabbir rahe ae faizy
Sar ko sajde se payambar ne uthaya hi nahi