top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

ہنگام ِ سحر ، مطلع ِ انوار میں گم ہے

ہنگام ِ سحر ، مطلع ِ انوار میں گم ہے خورشید ، ترے جلوۂ ِ رخسار میں گم ہے

انجم ہیں ترے نور ِ تبسم پہ نچھاور مہتاب ، ترے حسن کے دیدار میں گم ہیں

کیا پنچۂ ِ قدرت نے سنوارے ہیں ترے بال شب ، گیسوۓ واللیل کے اسرار میں گم ہے

صدیوں سےگلوں کا ہےوظیفہ تری خوشبو جنت بھی ترےجسم کی مہکار میں گم ہے

اعجاز ِ سخن پر ہیں فدا ، اہل ِ فصاحت ہر نطق ، تر ے حرف ِ ضیا بار میں گم ہے

ہے محو ِ طواف ِ شہ ِ خوباں ، دل ِ کعبہ محراب ِ حرم ، ابروۓ خمدار میں گم ہے

حیرت زدہ ہے ساعت ِ اَسریٰ پہ زمانہ صدیوں کا سفر ، اک دم ِ رفتار میں گم ہے

ہر تخت ہے تیرے قدم ِ ناز کا صدقہ ہر تاج ِ شہی ، شوکت ِ پیزار میں گم ہے

ہر گوہر ِ فطرت ہے تیرے نور سے تاباں آفاق ، ترے قلزم ِ اظہار میں گم ہے

کیا کہیئے ! ترے گلشن ِ معنیٰ کا تجمُّل فردوس ِ حِکم ، غنچۂ ِ گفتار میں گم ہے

اعلیٰ ہے زمانے میں ترا شہر ِ تمدُّن ہر دور ، ترے دور کے معیار میں گم ہے

سیفی ! ہے مے ِ نعت مرے جام ِ سخن میں آہنگ ِ غزل ، مستی ِ اشعار میں غم ہے

سیدشاکرحسین سیفی

صدر شعبۂ افتاء دارالعلوم محبوب سبحانی کرلا ۔۔۔۔۔ممبئی۔۔۔۔۔۔۔۔ انڈیا

6 views
bottom of page