دل کی کلی مرجھائی ، کھِلا جا​

دل کی کلی مرجھائی ، کھِلا جا​ قسمتِ خفتہ میری جگا جا​

خواب میں ہی جلوہ دکھلا جا​ آنکھوں میں آکے دل میں سما جا​

بارِ گُنہ سے پُشت مری خم​ عفو و کرم کے پیکر آجا​

’’اے شمعِ جمالِ مُصطفائی‘‘​ روح میں دل میں نظر میں آجا​

دور ہو میرے دل سے ظلمت​ ہر گوشے میں نُور بسا جا​

آپ کا روضہ نور کا مخزن​ کہِ دیں ’’روضہ دیکھنے آجا‘‘​

غوث و رضا کا صدقہ عطا کر​ بختِ مُشاہدؔ کو بھی جگا جا​

کلام: محمد حسین مشاہدرضوی​