حقیقی زندگی کی ابتدا ہوتی ہے مدفن سے | Naat Academyحقیقی زندگی کی ابتدا ہوتی ہے مدفن سے نقاب الٹے ہوئے آتا ہے کوئی روئے روشن سے مدینے میں مرا دل اور دل میں کملی والا ہے مرا دل کم نہیں رضواں تری جنت کے گلشن سے یہ کون آیا یہ کون آیا مرا فریاد رس بن کر دھواں فریاد بن کر اٹھ رہا ہے دل کے گلخن سے خدا اس کا زمانے کی ہر اک شئے باخدا اس کی نچھاور ہوگیا جو مصطفیٰﷺ پر اپنے تن من سے مقدر سے اگر دو گز زمیں طیبہ میں مل جاتی گلستاں چھوڑدیتا اور باز آتا نشیمن سے تمہارے بت بنا رکھے ہیں اپنے خانۂ دل میں نہ جانے کیوں محبت ہے مجھے اس آذری پن سے یہی سچ ہے کہ

حقیقی زندگی کی ابتدا ہوتی ہے مدفن سے نقاب الٹے ہوئے آتا ہے کوئی روئے روشن سے

مدینے میں مرا دل اور دل میں کملی والا ہے مرا دل کم نہیں رضواں تری جنت کے گلشن سے

یہ کون آیا یہ کون آیا مرا فریاد رس بن کر دھواں فریاد بن کر اٹھ رہا ہے دل کے گلخن سے

خدا اس کا زمانے کی ہر اک شئے باخدا اس کی نچھاور ہوگیا جو مصطفیٰﷺ پر اپنے تن من سے

مقدر سے اگر دو گز زمیں طیبہ میں مل جاتی گلستاں چھوڑدیتا اور باز آتا نشیمن سے

تمہارے بت بنا رکھے ہیں اپنے خانۂ دل میں نہ جانے کیوں محبت ہے مجھے اس آذری پن سے

یہی سچ ہے کہ چھپنے کی ہر ایک کوشش ہے لاحاصل نکل آتے ہیں خود جلوسے جہاں چھن چھن کے چلمن سے

ہزاروں زندگی دیکھا کہ استقبال کو آئیں بجرم عشق جب شمشیر گزری میری گردن سے

مجھے تسلیم ہے آنکھوں سے تم چھپ جاؤ گے لیکن ذرا یہ تو بتاؤ کیسے نکلو گے میرے من سے

لپک کر رحمتیں آغوش میں لے لیں گی محشر میں مچل کر جب لپٹ جائےگا عاصی ان کے دامن سے

شکار جلوۂ باطل نگاہیں کب تلک ہوں گی حجاب نور سرکادے جمال روئے روشن سے

وہ کچھ اس طرح آئے سامنے یکبارگی اخؔتر نکل بھاگی مرے پیروں کے نیچے سے زمیں سن سے

نظر کا چار ہونا تھا نگاہِ ناز سے اخؔتر رگوں میں برق سی دوڑی طبیعت ہوگئی جھن سے