top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

جبینِ شوق ان کے آستانے پر جھکی ہو گی

جبینِ شوق ان کے آستانے پر جھکی ہوگی

وہ دن آئے گا تکمیل ِ مذاق ِ بندگی ہوگی

سدا حدِ نظر میں ہی رہے یہ گنبد خضریٰ

مرے آقا مرے سرکار بندہ پروری ہوگی

اجل آ کر سُنا ئے آپ کے دیدار کا مژدہ

خوشی سے جان دیں گے سامنے جب زندگی ہوگی

میں سمجھوں گا مری فریاد بھی سرکار تک پہنچی

مری سرکار کے روضے پہ جس دن حاضری ہوگی

دلوں کو نورِ عشق مصطفی سے جگمگائے لیجئے

یہ کام آئے گا مرقد میں اسی سے روشنی ہوگی

سکونِ دل میسر ہو نہیں سکتا زمانے کو

نہ جب تک دامنِ سرکار سے وابستگی ہوگی

ہماری بے سرد سامانیوں کی لاج رکھ لینا

کہیں رُسوا نہ ہوجائیں بڑی شر مندگی ہوگی

تمہیں محسوس ہوگی لذتِ سجدہ دم سجدہ

جو عشق ساقئ کوثر کی دل میں چاشنی ہوگی

یہ ان کے در پہ سر رکھ کر کہوں گا ایک دن خاؔلد

یہ ہے آداب حسن بندگی یوں بندگی ہوگی

8 views
bottom of page