بہشتِ کوچۂ نظر ہے بہارِ نظر تِرے نثار میں اے شوق بےقرارِ نظر
تلاشِ جلوۂ نظر ہے شعارِ نظر ہر اعتبار سے اونچا ہے اعتبارِ نظر
نگاہِ خاطرِ مضطر نواز کے صدقے مِری طرف بھی اشارہ ہو اے قرارِ نظر
تِری تلاش ہے اے رونقِ دیارِ حبیبﷺ تِرے بغیر ہے اُجڑا ہوا دیارِ نظر
بہارِ گلشنِ طیبہ بسی ہے آنکھوں میں ہے رشکِ ہشت بہشتِ بریں کنارِ نظر
تِرا جمالِ شب و صبحِ تابناک ِ حیات تِرا خیال مہ و مہرِ نور بارِ نظر
اٹھی تو آپ کے دستِ کرم کی سِمت اٹھی ہے کتنا محکم و مضبوط اختیارِ نظر
ہجومِ نور کا عالم ہے صبحِ شامِ فراق شعاعِ مہرِ مدینہ میں گم ہے تارِ نظر
وہ بس رہے ہیں نظر میں زہے نصیب اختؔر یہ سر زمینِ مدینہ ہے یاد یارِ نظر