Wohi Rab hay jisne tujh ko hamatan karam banaaya Hamein bheek maangney ko tera aastaa bataaya Tujhe hamd hay Khudaaya
Tujhe hamd hay Khudaaya Tumhin haakim-e-baraayaa tumhin qaasim-e-‘atayaa Tumhin daaf’-e-balaayaa tumhin shaaf’-e-khataaya Koi tum saa kaun aaya
Tujhe hamd hay Khudaaya Woh kunwaari paak Maryam woh nafakhtofeeh kaa dam Hay ‘ajab nishaan-e-a’azam magar Aamina ka jaaya Wohi sab sey afzal aaya
Tujhe hamd hay Khudaaya Yahi boley sidrah waale chaman-e-jahaa key thaaley Sabhi mein ney chaan daley tere paaye kaa nah paaya Tujhe yak ney yak banayaa Fa izaa faraghta fan sab y eh mila hay tum ko mansab Jo gadaa bana chuke ab, uttho waqt-e-bakhshish aaya Karo qismat-e-‘ataayaa
Tujhe hamd hay Khudaaya Wa Halilaahi farghab karo ‘arz sab key matlab Key tumhin ko takte hain sab karo un par apnaa saaya Bano shaaf’-e-khataayaa
Tujhe hamd hay Khudaaya Arey aay Khuda key bando! koi mere dil ko dhoondo Mere pass thaa abhi to abhi kya huwa Khudaayaa Naa koi gaya nah aaya Hamein aay RAZA tere dil kaa pataa chalaa ba-mushkil Dar-e-rozah key muqaabil woh hamein nazar toh aaya Yeh nah pooch kaisa paayaa
Tujhe hamd hay Khudaaya Kabhi khandah zer lab hay kabhi giryaa saari shab hay Kabhi gham kabhi tarab hay nah sabab samajh mein aayaa Nah usi ney kuch bataayaa
Tujhe hamd hay Khudaaya Kabhi khaak par paraa hay sar-e-charkh zer-e-paa hay Kabhi pesh-e-dar khara hay sar-e-bandagi jhukaayaa Tu qadam mein ‘arsh paayaa
Tujhe hamd hay Khudaaya Kabhi woh tapak key aatish kabhi woh tapak key baarish Kabhi woh hujoom-e-naalish koi jaane abr chaaya Bari joshishon sey aaya
Tujhe hamd hay Khudaaya Kabhi woh chehek key bulbul kabhi woh mehek key khud gul Kabhi woh lehek key bilkul chaman-e-jinaa khilaaya Gul-e-quds lehlahaayaa
Tujhe hamd hay Khudaaya Kabhi zindagi key armaa kabhi margh-e-nau ka khwaahaa Woh jiyaa key marg qurbaa woh mawaa key zeest laaya Kahe rooh haa jilaayaa
Tujhe hamd hay Khudaaya Kabhi gum kabhi ‘iyaa hay kabhi sard gah tapaa hay Kabhi zer-e-lab faghaa hay kabhi chup key dam nah thaayaa Rukh-e-kaam jaa dikhaayaa
Tujhe hamd hay Khudaaya Yeh tassawwuraat-e-baatil tere aage kya hain mushkil Teri qudratein hain kaamil unhein raast kar Khudaaya Mein unhein shafee’ laayaa
Tujhe hamd hay Khudaaya Tujhe hamd hay Khudaaya