پاسبان مسلک احمد رضا
میر اہلسنت و حق آشنا
شہہ تراب حق نما شیر خدا
واقف اسرار و کامل رہنما
بحر فیض مصلح الدیں و رضا
دلبر غٖوث و علی و مصطفی
صورت و سیرت نظام مصطفی
صاحب نور فراست باخدا
ملک میں بھی چاہو گر نبوی نظام
تھام لو دامن تراب الحق کا
اے وطن کے باسیو ہر مرض کی
ہے دو بس اک نظام مصطفی
چور اچکے بدامن بہروپیے
باخدا ہو جائیں گے یا زیرِ پا
ہے نظام مصطفی ضامن ترا
عزت و اولاد و جان و مال کا
ملک و ملت کے جوانو آؤ ہم
آج سب مل کر کریں عہد وفا
ہے جماعت اہلسنت بس ہمیں
شہہ تراب الحق ہیں اپنے رہنما
اہلے گہلے ہیں بہت قائد مگر
منفرد ہے سب میں یہ قائد مرا
متقی و پارسا حق کا ولی
حق کہے ہر آن ہر جا بر ملا
خدمت مخلوق حق ان کا شعار
قادری رضوی ہے فیض ان کی عطاء
غرض اطلاق ان پہ ہے لاریب فیہ
امنو وکانوا یتقون کا
نعمت حق ہیں تراب الحق مرے
سر زمین پاک پر شکر خدا
وقف دین و ملت ان کے صبح و شام
خدمت اسلام و سنت میں سدا
سنیت کی آپ سے پہنچان ہے
رضویوں کی ہے تراب الحق صدا
شیر حق کی ہے صدائے حق جہاد
منکر حق پر ہے گو قہر خدا
اے تراب الحق ابن بو تراب
واحفظ الشافی لک من کل داء
انت لی نعم الاحب ماسوی
افتخار دین و شہہ اختر رضا
فضل مرشد سے نثاؔر اختر ہمیں
قائد و رہبر تراب الحق ملا
کلام : حافظ نثار احمد قادری رضوی اختری، دارالعلوم امجدیہ کراچی