شہر نبی ﷺ تیری گلیوں کا

Shehre Nabi ﷺ Teri Galiyo Ka Nakhsha Hi Kuch Aisa Hai
 Khuld Bhi Hai Mustaq Ziyarat Jalwa Hi Kuch Aisa Hai

Dil Ko Sukun De Aankh Ko Thandak Rouza Hi Kuch Aisa Hai
 Farshe Zami Par Arshe Bari Ho Lagta Hi Kuch Aisa Hai

Unke ﷺ Dar Par Aisa Jhuka Dil Uthne Ka Ab Hosh Nahi
 Ahle Shariyat Hai Sakte Me Sajda Hi Kuch Aisa Hai

Sibte Nabi Hai Pushte Nabi Par Aur Sajde Ki Haalat Hai
 Aqa ﷺ Ne Tasbih Bharhaii Beta Hi Kuch Aisa Hai

Rab Ke Siwa Dekha Na Kisi Ne Farshi Ho Ya Arshi Ho
 Unke ﷺ Haqiqat Ke Chehre Par Parda Hi Kuch Aisa Hai

Taaj Ko Apne Kaasa Banaa Kar Haazir Hain Shaahan E Jaha
 Unki ﷺ Ata Hi Kuch Aisi Hai Sadqa Hi Kuch Aisa Hai

Kham Hai Yaha Jhamshid O Sikandar Is Me Kya Hairani Hai
 Unke ﷺ Gulaamo Ka Ay Akhtar Rutba Hi Kuch Aisa Hai

Shaikhul Islam Syed Muhammad Madni Miya

شہر نبی ﷺ تیری گلیوں کا نقشہ ہی کچھ ایسا ہے
 خلد بھی ہے مشتاق زیارت جلوہ ہی کچھ ایسا ہے

دل کو سکوں دے آنکھ کو ٹھنڈک روضہ ہی کچھ ایسا ہے
 فرش زمیں پر عرش بریں ہو لگتا ہی کچھ ایسا ہے

ان ﷺ کے در پر ایسا جھکا دل اٹھنے کا اب ہوش نہیں
 اہل شریعت ہیں سکتے میں سجدہ ہی کچھ ایسا ہے

سبط نبی ﷺ ہے پشت نبی پر اور سجدے کی حالت ہے
 آقا ﷺ نے تسبیح بڑھا دی بیٹا ہی کچھ ایسا ہے

رب کے سوا دیکھا نہ کسی نے فرشی ہو یا عرشی ہو
 ان ﷺ کی حقیقت کے چہرے پر پردہ ہی کچھ ایسا ہے

تاج کو اپنے کاسا بنا کر حاضر ہیں شاہانِ جہاں
 ان ﷺ کی عطا ہی کچھ ایسی ہے صدقہ ہی کچھ ایسا ہے

خم ہیں یہاں جمشید و سکندر اس میں کیا حیرانی ہے
 ان ﷺ کے غلاموں کا اے اختر رتبہ ہی کچھ ایسا ہے-

شیخ الاسلام حضرت سید محمد مدنی میاں قبلہ