جب کوئی مدحت سلطان جہاں کرتا ہے

جب کوئی مدحت سلطان جہاں کرتا ہے

اس کی ہمت کو خدا اور جواں کرتا ہے

پڑھتا رہتا ہے جو سرکار مدینہ پہ درود

خود خدا اس کو عطا عزت و شاں کرتا ہے

ہر زمانہ اسے کرتا ہے عقیدت سے سلام

ان کی ناموس پہ قربان جو جاں کرتا ہے

ہم نے دیکھے ہیں وہ عشاق تری سنت کے

جن کو خلاق جہاں اپنا نشاں کرتا ہے

اس کے بچے کبھی بے راہ نہیں ہوسکتے

گھر میں جو سیرت سرکار بیاں کرتا ہے

ذکر بوبکر و عمر حیدر و عثماں ہر دم

کیجئے، کھوٹے کھرے کو یہ عیاں ہے

بخش دیتا ہے خدا اس کو محمد کے طفیل

پیش محبوب جو اشکوں کو زباں کرتا ہے

جس کی قسمت میں ہے طیبہ کی گدائی لوگو

وہ نہیں تذکرۂ دار شہاں کرتا ہے

ذکر اس واسطے کرتا ہوں میں ان کا ازہر

کہ مری نوک قلم کو یہ رواں کرتا ہے

محمد اویس ازہر مدنی

???? ????ℯ?? ________________________________

ᴀᴅᴍɪɴ – https://www.facebook.com/OwaisRazvi