تیری چوکھٹ تک رسائی گر شہا ہو جائے گی
بے وفا تقدیر بھی پیک وفا ہو جائے گی
انکے در پر گروفور عشق میں سر رکھ دیا
ایک سجدے میں ادا ساری قضا ہوجائے گی
ننھے طائر تک اٹھیں گے لیکے جوش انتقام
ابرہہ کے ظلم کی جب انتہا ہوجائے گی
میں تو بس ان کی نگاہِ لطف کا مشتاق ہوں
غم نہیں گر ساری دنیا بے وفا ہوجائے گی
خیر امت کی سند سرکارﷺ سے جب مل گئی
میری قسمت مجھ سے پھر کیسے خفا ہو جائے گی
ہورہی ہیں چاند پر جانے کی پیہم کوششیں
محو حیرت ہوں یہ دنیا کیا سے کیا ہوجائے گی
گر کہیں جان چمن اخؔتر چمن میں آگیا
پتی پتی اس چمن کی ہم نوا ہوجائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔