Zia e Madina

فروزاں فروزاں ضیائے مدینہ،
یہ کل حسنِ عالم فدائے مدینہ
اس آفت ذدہ شہرِ یثرب میں رحمت،
تمہی بن کے آقا ہو آئے مدینہ

— مدینہ مدینہ — — مدینہ مدینہ —

ترا شہرِ خوباں دعائوں کا محور
لبوں پر سجی بس یہ ہی التجاء ہے
دل و جان مخمور ہیں میرے آقا،
رہے مجھ کو حاصل ولائے مدینہ

— مدینہ مدینہ — — مدینہ مدینہ —

ترے سبز گنبد پہ نظریں جمائے
زباں پہ سلاموں کے گجرے سجائے
میں مسحور و بیخود ہوں صحنِ حرم میں،
ہے پر نور کتنا لقائے مدینہ

— مدینہ مدینہ — — مدینہ مدینہ —

کبھی شدتِ اضطرابِ الم ہے
کبھی گرمئی تابِ محشر میں دم ہے
سیاہ کار اور مغفرت کے سوالی،
جبیں خم کئے در پہ آئے مدینہ

— مدینہ مدینہ — — مدینہ مدینہ —

ترے در پہ افسانہء غم سنا کے
ہوا دل کو حاصل سکوں تا ابد ہے
عجب بے خودی ہے عجب کیف و لذت،
سکوں بخش آہ و بکائے مدینہ

— مدینہ مدینہ — — مدینہ مدینہ —

سعادت حضوری کی سجدوں نے پائی
دل و گوش مسحور ان کے سبب ہیں
اذانِ مدینہ، صلوۃ مدینہ،
سکوںِ مدینہ، دعائے مدینہ

— مدینہ مدینہ — — مدینہ مدینہ —

سنہری سنہری حجابوں میں رحمت
ہیں کونین کی عظمتیں جن کا صدقہ
فرشتے بھی حاضر جہاں سر خمیدہ،
ہے اتنی مقدس فضائے مدینہ

— مدینہ مدینہ — — مدینہ مدینہ —

کمالِ کرم اس پہ ہوگا تمھارا
کہ آکے کوئی اتنا منظر سے کہہ دے
بلاتے ہیں کونین کے شاہ تجھکو،
کہ ہر سال منظؔر بھی آئے مدینہ

— مدینہ مدینہ — — مدینہ مدینہ —

جہانداد منظر القادری

240