Ya Elahi Rehem Kar Likhde Meri Taqdeer Mein
Rauza-E-Khair-Ul-Bashar Likhde Meri Taqdeer Mein
Aey Mere Rab Sheher-E-Makkah Se Madinay Ki Taraf
Aana Jana Umar Bhar Likhde Meri Taqdeer Mein
Guzray Din Makkay Mein Guzray Shab Madinay Pak Mein
Roshni Ka Ye Safar Likhde Mere Taqdeer Mein
Jitnay Bhi Aiyaam Hain Ab Baaqi Meri Zeest Ke
Ho Madinay Mein Basar Likhde Meri Taqdeer Mein
Mein Bhi Bun Jaon Tere Darbar Ka Jaroob Kash
Mere Maula Tu Agar Likhde Meri Taqdeer Mein
Ye Sada Hai Roz-O-Shab Qalb-E-Al’im-E-Zaar Ki
Phir Madinay Ka Safar Likhde Meri Taqdeer Mein