Rehemat ka dar khula hai Darbar e Mustafa me
Bakhshish ka silsila hai Darbar e Mustafa me
Khamoshiyo ko meri sunte hai Sarwar e Deen
Bin maange mil raha hai Darbar e Mustafa me
Ab dil ki dhadkane hai Sarkar ke hawaale
Aawaz kab rawa hai Darbar e Mustafa me
Subh o Masa farishte aate hai haazri ko
Noorani qafla hai Darbar e Mustafa me
Ek bheeni bheeni khushboo saanso me bas gayi hai
Dil bhi mehak raha hai Darbar e Mustafa me
Mai arz kar raha hu sarkar sunn rahe hai
Kaisa haseen samaa hai Darbar e Mustafa me
Salle Ala Nabiyyina Salle Ala Muhammadin
Sab ki yahi sadaa hai Darbar e Mustafa me
Kaisi azeem neh’mat paayi hai tune Rizwan
Tu naat padh raha hai Darbar e Mustafa me