مقامِ قرب ہے کیسا مِرے صدّیقِ اکبر کا
نبی کے ساتھ ہے روضہ مِرے صدّیقِ اکبر کا
رسولوں اور سارے انبیا کے بعد میں بے شک
ہے سب سے مرتبہ اعلیٰ مِرے صدّیقِ اکبر کا
عمر فاروق، عثمانِ غنی، حیدر علی سے بھی
مقام و مرتبہ بالا مِرے صدّیقِ اکبر کا
وہ دس جن کو حبیبِ رب نے جنّت کی بِشارت دی
ہے اُن میں نام بھی پہلا مِرے صدّیقِ اکبر کا
جو خلفائے محمد مصطفیٰﷺ بننے کی باری تھی
تو نمبر پہلا ہی آیا مِرے صدّیقِ اکبر کا
وہ یارِ غارِ محبوبِ خدا ہیں، ہر صحابی سے
مقدّر ہے جداگانہ مِرے صدّیقِ اکبر کا
صحابی چار پشتیں: باپ، خود، اَولاد اور پوتا
مبارک ہے نسب کتنا مِرے صدّیقِ اکبر کا
قرآنِ پاک ’’اَلْاَتْقٰی‘‘ سے اُن کو یاد کرتا ہے
مثالی کیوں نہ ہو تقویٰ مِرے صدّیقِ اکبر کا
رسول اللہﷺ نے معراج کی تصدیق کرنے پر
لقب ’’صدّیق‘‘ رکھا تھا مِرے صدّیقِ اکبر کا
ضیائے طیبہ اپنا سر عقیدت سے جھکاتی ہے
سنائے جب کوئی نغمہ مِرے صدّیقِ اکبر کا
مبارک ہو، نؔدیم احمد! کہ تو نے بھی محبّت سے
کیا اَشعار میں چرچا مِرے صدّیقِ اکبر کا
مولانا ندیم احمد ندیم نورانی
Muqaam e qurb hai kaisa mere Siddiq_e_akbar ka
Nabi ke sath hai roza mere Siddiq_e_akbar ka
Rasoolo’n aur sare ambiya ke baad main beshaq
Hai sab se martaba aa’la mere Siddiq_e_akbar ka
Umar Farooq,usman_e_ghani, Haidar Ali se bhi
Maqam_o_ martaba bala mere Siddiq_e_akbar ka
Wo Das jin ko habeeb_e_rabb ne jannat ki bisharat di
Hai un main naam bhi pehla mere Siddiq_e_akbar ka
Jo khulfa_e_muhammad mustafa ﷺ banne ki bari thi
To number pehla hi aaya mere siddiq_e_akbar ka
Wo yaar_e_ghaar mehboob_e_khuda hain,har sahabi se
Muqaddar hai judagana mere siddiq_e_akbar ka
Sahabi char pushtain: baap ,khud, aulaad aur pota
mubarak hai nasab kitna mere Siddiq_e_akbar ka
Quran_e_paak “Al’attaqa” se un ko yaad krta hai
Misali kyon na ho taqwa mere siddiq_e_akbar ka
Rasool Allah ﷺ ne me’raaj ki tasdeeq karne par
Laqab “siddiq” rakhha tha mere siddiq_e_akbar ka
Ziya_e_taiba apna sar aqedat se jhukati hai
Sunaye jab koi naghma mere siddiq_e_akbar ka
Mubarak ho ,Nadeem Ahmed! Ke tu ne bhi muhabbat se
Kiya ashaar main charcha mere siddiq_e_akbar ka