جشن صبح بہاراں
آج بارش ہو رہی ہے فلک سے انوار کی
سارے عالم میں خوشی ہے آمد سرکار کی
ہو گیا ہر سوُ اجالا آ گئے بدرالدجی
آمنہ کے گھر میں آئیں رحمتیں غفار کی
سج گئے گلیاں محلے ہر طرف ہیں رونقیں
سب ہی نعتیں پڑھ رہے ہیں سیدابرار کی
ہم گناہگاروں، خطا کاروں کی بخشش ہو گئی
مل گئی سب کو شفاعت احمد مختار کی
جگمگاتے ہیں ستارے چاند اور خورشید بھی
یہ ضیاء ان کو ملی جو بھیک ہے سرکار کی
بے مثل عالم میں ہےحسن و جمال آپ کا
ہم سے کیا توصیف ہو گی اللہ کے شاہکار کی
نعت کہنے کی سعادت بھی تو ہے ان کی عطا
ورنہ تو اوقات کیا ہے ناز اوگنہار کی
صفیہ ناز صابری