یوں اُڑا لے مجھے اے شاہسوارِ رحمت

یوں اُڑا لے مجھے اے شاہسوارِ رحمت معصیت دیکھتی رہ جائے غُبارِ رحمت

حشر میں کیوں نہ ہو تجھ سے سروکارِ رحمت جب کہ ہے تیری شفاعت پہ مدارِ رحمت

غیر ممکن تو نہیں ہے کہ بہ پایانِ مآل آہُوئے دشتِ معاصی ہو شکارِ رحمت

سج گئے اشکِ ندامت کی بدولت کیا کیا دامنِ تر پہ مرے نقش و نگارِ رحمت

منعکس رحمتِ یزداں ہے تری سیرت میں تیری اک ایک ادا آئنہ دارِ رحمت

تشنہ کامی کے کسی دشت کا منظر ہوں میں مجھ سے دامن نہ بچا ابرِ بہارِ رحمت

چُھو سکے گی نہ اُسے آتشِ دوزخ ہرگز گرد ہے امتِ عاصی کے حصارِ رحمت

دل سے کہتا ہوں کہ بے آس نہ ہو فرقت میں تُو بھی دیکھے گا کبھی شہر نگارِ رحمت

دیکھ ایّامِ غریب الوطنی ختم ہوئے دیکھ بَر آئی تمنّاے دیارِ رحمت

میں کسی حال میں مایوس نہیں ہوں افضل کہ مری آخری منزل ہے جوارِ رحمت

افضل خاکسار 풩풶풶퓉 풜풸풶풹ℯ퓂퓎 ________________________________ ᴀᴅᴍɪɴ – https://www.facebook.com/OwaisRazvi

Academy Group Only Writer & Poets https://www.facebook.com/groups/NaatAcademyIndia/

홻횎횊횛횗 홼횘횛횎 횅횒횜횒횝 www.NaatAcademy.com

#OwaisRazvi #OfficialNetwork #NaatAcademy #NaatEducation #NaatAcademyIndia #NaatDiary #NaatWrites #NaatWriters #IslamicPoetryWriters #NewNaat2020 ‎#نعتِ_رسول_مقبولﷺ ‎#نعت_اکیڈمی ‎#صلى_الله_عليه_وسلم ‎#درودشریف ‎#درودوسلام