top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

یا رب مرے دل میں ہے تمنائے مدینہ

یا رب مرے دل میں ہے تمنائے مدینہ ان آنکھوں سے دکھلا مجھے صحرائے مدینہ

نکلے نہ کبھی دل سے تمنائے مدینہ سر میں رہے یا رب مرے سو دائے مدینہ

ہر ذرہ میں ہے نور تجلائے مدینہ ہے مخزن اسرار سراپائے مدینہ

ایسا مری نظروں میں سما جائے مدینہ جب آنکھ اٹھاؤں تو نظر آئے مدینہ

پھرتے ہیں یہاں ہند میں ہم بے سروساماں طیبہ میں بلالو ہمیں آقا ئے مدینہ

اس درجہ ہیں مشتاق زیارت مری آنکھیں دل سے یہ نکلتی ہے صدا ہائے مدینہ

یاد آتا ہے جب روضۂ پر نور کا گنبد دل سے یہ نکلتی ہے صدائے مدینہ

میں وجد کے عالم میں کروں چاک گریبان آنکھوں کے مرے سامنے جب آئے مدینہ

کیوں کر نہ جھلکیں خلق کے دل اس کی طرف کو ہے عرش الہٰی بھی تو جو یائے مدینہ

سر عرش کا خم ہے ترے روضے کے مقابل افلاک سے اونچے ہیں مکانہائے مدینہ

طیبہ کی زمیں جھاڑتے آتے ہیں ملائک جبریل کے پرفرش معلائے مدینہ

قرآن قسم کھاتا نہ اس شہر کی ہرگز گر ہوتا نہ وہ گل چمن آرائے مدینہ

سلطان دو عالم کی مرے دلمیں ہے تربت ہوتے ہیں یہ کعبے سے سنخہائے مدینہ

کیوں گور کا کھٹکا ہو قیامت کا ہو کیا غم شیدائے مدینہ ہوں میں شیدائے مدینہ

کیوں طیبہ کو یثرب کہو ممنوع ہے قطعاً موجود ہیں جب سیکڑوں اسمائے مدینہ

جاتے نہیں حج کرکے جو کعبے سے مدینہ مردود شیاطین ہیں اعدائے مدینہ

بلوا کے مدینے میں جمیل رضوی کو سگ اپنا بنا لو اسے مولائے مدینہ

قبالۂ بخشش

102 views
bottom of page