top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

یادِ قطب الدین بختیار کاکی

یادِ قطب الدین بختیار کاکی علیہ الرحمہ

گلِ باغِ پنجتن ، نورِ انجمن ولایت ، آفتابِ زہد و تقویٰ ، راز دار شریعت و طریقت ، بہار باغ چشتیت ، خلیفہ و محبوبِ خواجہ غریب نواز ، مرشد گنج شکر ، حضرت سید خواجہ قطب الدین بختیار کاکی علیہ الرحمہ (مَہرَولی شریف دلی ) کی شان…

غموں میں چین ، خِزاں میں بہار ، قطب الدیں طبیبِ خَلقِ خدا ، بختیار قطب الدیں

زمانے والوں کو انسانیت کا درس دیا کتابِ دل کے محبت نگار ، قطب الدیں

نقیبِ قافلۂِ عشقِ مصطفیٰ کہیے دیارِ کفر میں حق کی پکار ، قطب الدیں

ہے اُن کی ذات سے انوارِ چشتیت کا فروغ شَبِیہِ خواجۂ والا تَبار ، قطب الدیں

حَریمِ جلوۂ سادات ان کی ذاتِ کریم حُسینی خون سے ہیں مُشکبار ، قطب الدیں

جبیں پہ نورِ ولایت ، جگر میں گَنجِ علوم کمال و فضل کے ہیں شاہکار ، قطب الدیں

نگاہ ڈالی تو ناقص کو کردیا کامل ہیں ایسے مرشدِ عالی وقار ، قطب الدیں

وہیں سے گنجِ شکر کو ملا عروج و کمال جمال و نور کے ہیں آبشار ، قطب الدیں

وہ اب بھی علم و ہدایت کا نور بانٹتے ہیں خدا پرستوں کے ہیں اعتبار ، قطب الدیں

سلام تجھ پہ اے دلّی کے شاہِ روحانی سدا رَواں ہے ترا اقتدار ، قطب الدیں

کرے نہ فخر بھلا کیوں زمینِ “مَہرَولی” ہے اس کی خاک پہ تیرا مزار ، قطب الدیں

دلوں سے تیری عقیدت کبھی نہ کم ہوگی جہانِ عشق کے اے شہریار ، قطب الدیں

فدا ہیں جن کے نشیمن کی خاک پر تارے تجلیوں کے ہیں وہ تاجدار ، قطب الدیں

فریدی کیف سا محسوس کر رہا ہوں میں مرے لبوں پہ جو ہے بار بار قطب الدیں

از فریدی صدیقی مصباحی مسقط عمان

9 views

Recent Posts

See All

ہے در پہ آپ کے اِک روسیاہ ، یا زہرا

*منقبت پاک در شانِ سیدہء کائنات جگر گوشۂ رسول سیدہ ظاہرہ طیبہ طاہرہ نجیبہ عفیفہ حضرتِ فاطمۃ الزہراء سلام اللہ علیہا و ابیہا* ہے در پہ آپ کے اِک روسیاہ ، یا زہرا پئے حُسین و حسن اِک

bottom of page