top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

ہے زیست کی بہار دیارِ رسولﷺمیں

ہے زیست کی بہار دیار ِ رسول میں

ملتا ہے ہر قرار دیارِ رسول میں

خلدِ بریں ہے عرش ِ معلیٰ ہے طور ہے

جلوے ہیں بے شمار دیارِ رسول میں

ان کے کرم نے بات بنائی توبن گئی

پہنچے مآلِ کار دیارِ رسول میں

ہوتی ہیں صاف کیسے دلوں کی کثافتیں

سب کچھ ہے آشکار دیا رِ رسول میں

جی بھر کے پی رہے ہیں مئے سلسبیلِ عشق

پھر بھی ہیں ہوشیار دیارِ رسول میں

ان کے لئے کشادہ ہے آغوش ہر کرم

جتنے ہیں شرمسار دیارِ رسول میں

آئے تو اشکبار تھیں آنکھیں فراق میں

پہنچے بھی اشکبار دیارِ رسول میں

پڑھ کر نمازِ عشق سرِ آستانِ قدس

خاؔلد جبیں سنوار دیار رسول میں

6 views
bottom of page