top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

ہم غریبوں کے آقا پہ بے حد دُرود

امام احمد رضا محدثِ بریلوی کا مرقومہ سلام ’’مصطفی جانِ رحمت پہ لاکھوں سلام‘‘ عوام و خواص میں بے پناہ مقبول ہے۔ اس سلام میں آپ نے نبوت و رسالت کے اوصاف، حضور انور صلی اللہ علیہ وسلم کے مراتبِ عالیہ اور حضور اقدس صلی اللہ علیہ وسلم کے سراپائے مبارک کو شاعرانہ حُسن و خوبی، عاشقانہ وارفتگی اور عالمانہ وجاہت و شوکت کے ساتھ بیان کیا ہے۔ ہر شعر میں ایک خوب صورت اور اچھوتی تراکیب اور دل کش استعارہ سازی سے کام لیا ہے۔

سلام کے اُن منتخب اشعار کو پیش کیا گیا ہے جن کے مصرعِ اول کا اختتام لفظِ دُرود پر ہُوا ہے،

مِہرِ چرخِ نبوت پہ روشن دُرود گلِ باغِ رسالت پہ لاکھوں سلام

شبِ اسرا کے دولہا پہ دائم دُرود نوشۂ بزمِ جنّت پہ لاکھوں سلام

عرش کی زیب و زینت پہ عرشی دُرود فرش کی طیب و نُزہت پہ لاکھوں سلام

نورِ عینِ لطافت پہ اَلطف دُرود زیب و زینِ نظافت پہ لاکھوں سلام

نقطۂ سِرِّ وحدت پہ یکتا دُرود مرکزِ دورِ کثرت پہ لاکھوں سلام

فتحِ بابِ نبوت پہ بے حد دُرود ختمِ دورِ رسالت پہ لاکھوں سلام

شرقِ انوارِ قدرت پہ نوری دُرود فتقِ اَزہارِ قدرت پہ لاکھوں سلام

سِرِّ غیبِ ہدایت پہ غیبی دُرود عطر جیبِ نہایت پہ لاکھوں سلام

ماہِ لاہوتِ خَلوت پہ لاکھوں دُرود شاہِ ناسوتِ جَلوت پہ لاکھوں سلام

کنزِ ہر بے کس و بے نوا پر دُرود حرزِ ہر رفتہ طاقت پہ لاکھوں سلام

پرتوِ اسمِ ذاتِ اَحد پر دُرود نُسخۂ جامعیت پہ لاکھوں سلام

مطلعِ ہر سعادت پہ اسعد دُرود مقطعِ ہر سیادت پہ لاکھوں سلام

مجھ سے بے کس کی دولت پہ لاکھوں دُرود مجھ سے بے بس کی قوت پہ لاکھوں سلام

کثرتِ بُعدِ قلّت پہ اکثر دُرود عزتِ بُعدِ ذلّت پہ لاکھوں سلام

ربِّ اعلا کی نعمت پہ اعلا دُرود حق تعالیٰ کی منّت پہ لاکھوں سلام

ہم غریبوں کے آقا پہ بے حد دُرود ہم فقیروں کی ثروت پہ لاکھوں سلام

فرحتِ جانِ مومن پہ بے حد دُرود غیظِ قلبِ ضلالت پہ لاکھوں سلام

اشک باریِ مژگاں پہ برسے دُرود سلکِ دُرِّ شفاعت پہ لاکھوں سلام

نیچی آنکھوں کی شرم و حیا پر دُرود اونچی بینی کی رفعت پہ لاکھوں سلام

اُن کے خد کی سُہُولت پہ بے حد دُرود اُن کے قد کی رشاقت پہ لاکھوں سلام

چاند سے منہ پہ تاباں درخشاں دُرود نمک آگیں صباحت پہ لاکھوں سلام

اُس کی پیاری فصاحت پہ بے حد دُرود اُس کی دل کش بلاغت پہ لاکھوں سلام

اُس کی باتوں کی لذّت پہ بے حد دُرود اُس کے خطبے کی ہیبت پہ لاکھوں سلام

رفعِ ذکرِ جلالت پہ اَرفع دُرود شرحِ صدرِ صدارت پہ لاکھوں سلام

مہدِ والا کی قسمت پہ صدہا دُرود بُرجِ ماہِ رسالت پہ لاکھوں سلام

اُٹھتے بوٹوں کی نشوونَما پر دُرود کھِلتے غنچوں کی نکہت پہ لاکھوں سلام

فضلِ پیدایشی پر ہمیشہ دُرود کھیلنے سے کراہت پہ لاکھوں سلام

اعتلائے جبلّت پہ عالی دُرود اعتدالِ طَوِیّت پہ لاکھوں سلام

بے بناوٹ ادا پر ہزاروں دُرود بے تکلف ملاحت پہ لاکھوں سلام

بھینی بھینی مہک پر مہکتی دُرود پیاری پیاری نفاست پہ لاکھوں سلام

میٹھی میٹھی عبارت پہ شیریں دُرود اچھی اچھی اِشارت پہ لاکھوں سلام

سیدھی سیدھی رَوِش پر کروروں دُرود سادی سادی طبیعَت پہ لاکھوں سلام

لطفِ بیداریِ شب پہ بے حد دُرود عالمِ خوابِ راحت پہ لاکھوں سلام

خندۂ صبحِ عشرت پہ نُوری دُرود گِریۂ ابرِ رحمت پہ لاکھوں سلام

نرمیِ خوئے لینت پہ دائم دُرود گرمیِ شانِ سطوت پہ لاکھوں سلام

الغرض اُن کے ہر موٗ پہ لاکھوں دُرود اُن کی ہر خُو و خصلت پہ لاکھوں سلام

اُن کے ہر نام و نسبت پہ نامی دُرود اُن کے ہر وقت و حالت پہ لاکھوں سلام

اُن کے مولا کی اُن پر کروروں دُرود اُن کے اصحاب و عترت پہ لاکھوں سلام

جلوگیّانِ بیتُ الشَّرَف پر دُرود پردگیّانِ عفّت پہ لاکھوں سلام

جاں نثارانِ بدر و اُحُد پر دُرود حق گزارانِ بیعَت پہ لاکھوں سلام

زاہدِ مسجدِ احمدی پر دُرود دولتِ جیشِ عُسرت پہ لاکھوں سلام

اُن کی بالا شرافت پہ اعلا دُردو اُن کی والا سیادت پہ لاکھوں سلام

کاملانِ طریقت پہ کامل دُرود حاملانِ شریعت پہ لاکھوں سلام

مردِ خیلِ طریقت پہ بے حد دُرود فردِ اہلِ حقیقت پہ لاکھوں سلام

?اللهم صل وسلم على نبينا محمد ﷺ▫️

68 views

Recent Posts

See All

Muqaam e qurb hai kaisa mere Siddiq_e_akbar ka

مقامِ قرب ہے کیسا مِرے صدّیقِ اکبر کا نبی کے ساتھ ہے روضہ مِرے صدّیقِ اکبر کا رسولوں اور سارے انبیا کے بعد میں بے شک ہے سب سے مرتبہ اعلیٰ مِرے صدّیقِ اکبر کا عمر فاروق، عثمانِ غنی، حیدر علی سے بھی مقا

Rasool e Paak ki Chahat Abu Bakar Siddiq

رسولِ پاک کی چاہت ابوبکر صدیق ہیں آپ فخرِ خلافت ابوبکر صدیق نبی کے بعد جو افضل ہیں سارے عالم میں وہی ہیں شانِ صداقت ابوبکر صدیق رکاوٹ آنہ سکا سانپ پہرے داری سے ہے خوب تیری رفاقت ابوبکر صدیق فقط بشر ہی

bottom of page