top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

ہمیشہ ذکرِ حسین زیرِ زباں رہے گا

منقبت بحضور سید الشہداء سیدنا امام حسین رضی اللہ عنہ

لہو ہماری رگوں میں جب تک رواں رہے گا ہمیشہ ذکرِ حسین زیرِ زباں رہے گا

کسی بھی غم کو دوام اب تک ملا نہیں ہے مگر غمِ کربلا ہمیشہ جواں رہے گا

یہی وہ غم ہے جو وجہِ تسکینِ قلب و جاں ہے جسے بھی دولت یہ مل گئی شادماں رہے گا

حسین روشن فصیلِ دل پر رہے گا یوں ہی یزید تاریکیوں میں یوں ہی نہاں رہے گا

اثر پزیریِ خونِ اصغر یوں ہی رہے گی یوں ہی سرِ شام سرخ رنگ آسماں رہے گا

بکھر کے آلِ نبی کے پھول اور نکھر گئے ہیں بغیر پانی کے سبز یہ گلستاں رہے گا

سدا یوں ہی ریگِ کربلا چیختی رہے گی فرات کے لب پہ یوں ہی آہ و فغاں رہے گا

یزید کا نام اڑ گیا ہے دھویں کی صورت حسین کا نام تا ابد جاوداں رہے گا

حسین نے اپنے خوں سے روشن کیا ہے اس کو چراغِ اسلام حشر تک ضوفشاں رہے گا

کسی نے پوچھا تھا کیا رہے گا یہ ذکر جاری؟ نواز میں نے بھی کہہ دیا اس سے، ہاں رہے گا

نواز اعظمی مصباحی

18 views

Recent Posts

See All

ہے در پہ آپ کے اِک روسیاہ ، یا زہرا

*منقبت پاک در شانِ سیدہء کائنات جگر گوشۂ رسول سیدہ ظاہرہ طیبہ طاہرہ نجیبہ عفیفہ حضرتِ فاطمۃ الزہراء سلام اللہ علیہا و ابیہا* ہے در پہ آپ کے اِک روسیاہ ، یا زہرا پئے حُسین و حسن اِک

bottom of page