top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

ہر گوشہ شہِ دیں کی ردائے یمنی کا

ہر گوشہ شہِ دیں کی ردائے یمنی کا اِک ظلِّ حسیں ہے کرمِ ذوالمننی کا

عرفاں تو نہیں ہے مجھے شِیریں سخنی کا مدّاح ہوں لیکن میں رسولِ مدنیﷺ کا

مدّاح ہوں دندانِ اویسِ قرنی کا سرکار! کہاں منہ ہے یہ دُرِّ عدنی کا

کانٹے بھی ہیں صحرائے عرب کے متبسّم اعجاز ہے یہ تیری شگفتہ دہنی کا

اے رہروِ ہستی! وہ مدینے کی ہے منزل جس راہ میں احساس نہیں پاشِکنی کا

ہے طُرفہ خنک سوزِ فراقِ نبویﷺ بھی یارو عجب عالم ہے دلِ سوختنی کا

حل کر دیا تم نے شبِ معراج یہ عقدہ جلوہ نہیں محتاج سوالِ اَرِنِی کا

میں نعتِ نبیﷺ روز نئی کہتا ہوں اختؔر ملتا ہے صِلہ مجھ کو میری نغمہ زنی کا

4 views
bottom of page