top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

ہر موج ہوا زلف پریشانِ محمدﷺ

ہر موج ہوا زلف پریشانِ محمدﷺ ہے نُور سحر صورتِ خندانِ محمدﷺ

کچھ صبحِ ازل کی خبر نا شامِ ابد کی بیخود ہوں تہِ سایہِ دامانِ محمدﷺ

تو سینہ صدیقؓ میں اک رازِ نہاں ہے اللّٰہ رے اے صورتِ جانانِ محمدﷺ

چُھٹ جائے اگر دامنِ کونین تو کیا غم لیکن نہ چُھٹے ہاتھ سے دامانِ محمدﷺ

دے عرصہ کونین میں یا رب کہیں وسعت پھر وجد میں ہے روحِ شہیدانِ محمدﷺ

بجلی ہو ، مہ ومہر ہو، یا شمعِ حرم ہو ہے سب کے جگر میں رُخِ تابانِ محمدﷺ

اے حسنِ ازل اپنی اداؤں کے مزے لے ہے سامنے آئینہ حیرانِ محمدﷺ

اصغر تیرے نغموں میں بھی ہے جُوش درود اب اے بُلبُلِ شُوریدہ بُستان محمدﷺ

اصغر گونڈوی​

5 views
bottom of page