top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

کلسِ گنبدِ خضریٰ ہے مہِ عیدِ نظر

کلسِ گنبدِ خضریٰ ہے مہِ عیدِ نظر آج نِکلا ہے کہیں حوصلۂ دیدِ نظر

تِرے ذرّات کو حاصل ہے شعورِ جلوہ ہم بھی ہیں خاکِ عرب طالبِ تجدیدِ نظر

تابِ نظارہ پہ ہے آیۂ مَازَاغ گواہ تا نہ اے صاحبِ معراج ہو تردیدِ نظر

ختم ہوتا ہے جو بابِ کرم آقاﷺ پر کتنا پاکیزہ ہے افسانۂ امیدِ نظر

بارِ جلوہ نہ ہو زنہار تِری بے تابی شوقِ نظارہ سے ہر بار ہے تاکیدِ نظر

قصۂ ہجر کا آغاز ابھی باقی ہے اشکِ حسرت تو ہیں منجملۂ تمہیدِ نظر

اللہ اللہ رے خورشیدِ شفاعت کا طلوع بن گئی صبحِ قیامت سحرِ عیدِ نظر

دامنِ رحمتِ حق ہے سرِ عالم پہ دراز ہے گھنی چھاؤں تِری دھوپ بھی خورشیدِ نظر

عیدِ نظارۂ وحدت ہوئی آنکھوں کو نصیب ہے ضیا بار حِرا سے مہِ توحیدِ نظر

روضۂ مہرِ دنیٰ پیشِ نظر ہے اختؔر آج کس بُرج میں تابندہ ہے ناہیدِ نظر

11 views
bottom of page