کس سے کہوں میں حالِ پریشاں مرے حضورﷺ ملتا نہیں ہے درد کا درماں مرے حضورﷺ
حملہ ہے ہر طرف سے دلِ نا صبور پر تسکینِ دل کا کیجئے ساماں مرے حضورﷺ
اف بے بسی کہ اذنِ فغاں بھی نہیں ہمیں مظلوم کس قدر ہیں مسلماں مرے حضورﷺ
چھٹ جائے شبِ ظلمتِ دیجور زندگی دکھلائیے ہمیں رخِ تاباں مرے حضورﷺ
ڈر ہے کہ چھن نہ جائے کہیں دولتِ یقیں جز آُپ کے ہے کون نگہباں میرے حضورﷺ
ہو جلوہ بار پھر افقِ کائنات پر دینِ خدا کا نیر تاباں مرے حضورﷺ
دو گز زمین شہر کرم میں عطا کریں یہ ہے قمرؔ کا آخری ارماں مرے حضورﷺ
علامہ قمر الزماں اعظمی
https://www.facebook.com/photo?fbid=3100254733376644&set=gm.988694981590526