کتنی حسیں فضا ہے کتنی حسین سحر ہے

کتنی حسیں فضا ہے کتنی حسین سحر ہے کیا بے حجاب میرا وہ مرکز نظر ہے

سورج بھی آگیا ہے دینے خراج تحسین کس کی ضیاء سے روشن گہوارۂ سحر ہے

ارباب ہوش اس کو جو چاہیں فرض کرلیں ہر اشک غم حقیقت میں نازش گہر ہے

پاکے رہوں گا ان کو اک دن ضرور ہمدم یہ عشق میرا بازو یہ عشق میرا پر ہے

وہ دل بھی کوئی دل ہے جو دل ہو تجھ سے خالی تیرے سوا جو دیکھے وہ بھی کوئی نظر ہے

ورنہ کہاں سے آتا یہ حسن کہکشاں میں دل میرا کہہ رہا ہے یہ ان کہ رہ گزر ہے

اخؔتر چلوں میں تنہا مجھ کو نہیں گوارا گر وہ نہیں تو ان کا غم میرا ہم سفر ہے

#تجلیاتسخن #حضورسیدمحمدمدنیاشرفیجیلانی