top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

پشیماں نہ ہوں شرمساروں سے کہہ دو

پشیماں نہ ہوں شرمساروں سے کہہ دو نبیﷺ آگئے غم کے ماروں سے کہہ دو

مجھے بھاگئے ہیں کھجوروں کے جھرمٹ ذرا خلد کے سبزہ زاروں سے کہہ دو

محمدﷺ چلے ہیں سوئے عرشِ اعظم ادب سے رہیں چاند تاروں سے کہہ دو

زمانے کے اندھوں کو احمد کی منزل بتادیں ذرا تیس پاروں سے کہہ دو

مجھے خواب ہی میں نظارہ کرادیں مدینے کے دلکش نظاروں سے کہہ دو

ذرا چھیڑدیں نغمۂ نعت احمد میری زندگی کے ستاروں سے کہہ دو

ہے جان گلستاں کی آمد چمن میں ہوں جاروب کش نو بہاروں سے کہہ دو

یہی تو ہیں اخؔتر مری زندگانی نہ ہوں سرد دل کے شراروں سے کہہ دو

20 views
bottom of page