top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

ٹھہرے گا کہاں کوئی نظارا مرے آگے

ٹھہرے گا کہاں کوئی نظارا مرے آگے ہے جلوہ نما گنبد خضریٰ مرے آگے

کرسی ہے نہ ہے عرشِ معلیٰ مرے آگے رہتا ہے مگر منظرِ طیبہ مرے آگے

یہ عالم لاہوت ہے یا ارض حرم ہے ہر آن ہے اک نور کا جلوہ مرے آگے

کیا مجھ کو لبھائے گا کوئی طورِ تجلی ہے جلوۂ سرکارِ مدینہ مرے آگے

میں ان کے وسیلے سے دعا مانگ رہا ہوں کعبہ مرے پیچھے ہے تو روضہ مرے آگے

کی راہبری سیرتِ سرکار نے میری سج بن کے بہت آئی تھی دنیا مرے آگے

ہر حال میں توفیق ہو سنت پہ عمل کی بس اسوۂ سرکار ہو مولا مرے آگے

نسبت ہے درِ دحیۂ کلبی سے مجھے بھی آئیں تو ذرا قیصر و کسریٰ مرے آگے

میں شاعرِ دربارِ شہِ ارض و سماء ہوں بے سود ہے کچھ خود کو سمجھنا مرے آگے

اے روح امیں آپ تو ہیں میرے مربی کیجئے ناں بیاں قصۂ اسری ٰمرے آگے

بوصیری و حسّان کا ہم درس ہوں آخر کیا چیز ہے غالب کی غزلیا مرے آگے

شہزادؔ گہر ہائے ثنا ڈھونڈ رہا ہوں گویا ہے رواں نور کا دریا مرے آگے

شہزاد مجددی

???? ????ℯ?? ________________________________ ᴀᴅᴍɪɴ – https://www.facebook.com/OwaisRazvi

Academy Group Only Writer & Poets https://www.facebook.com/groups/NaatAcademyIndia/

????? ???? ????? ?www.NaatAcademy.com

4 views
bottom of page