top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

وہ دن قریب ہے کہ مدینے کو جاؤں گا

وہ دن قریب ہے کہ مدینے کو جاؤں گا

آنکھوں کو اپنی طورِ تجلی بناؤں گا

جب ان کے آستانہ اقدس پہ جاؤں گا

سیمائے سجدہ سے میں جبیں کو سجاؤں گا

فریادرس وہی ہیں وہی دستگیر ہیں

میں داستان ِ درد انہیں کو سناؤں گا

پاسِ ادب سے لب نہ اگر کھل سکے مرے

احوال آنسوؤں کی زبانی سناؤں گا

مجرم ہوں روسیاہ وخطا کار ہوں مگر

سرکار بخشوائیں تو بخشا ہی جاؤں گا

جتنے بگاڑ ہیں وہ یہیں تک ہیں اور بس

آقا سنوار دیں گے سنور کر ہی آؤں گا

سرکار باخبر ہیں یہ ایمان ہے مگر

کہتا ہے اضطراب غمِ دل سناؤں گا

سرکار آپ کے کرم ِ بے سبب کی خیر

میں بھی سند حضور سے بخشش کی پاؤں گا

سرکار جب مدینے میں خاؔلد بُلائیں گے

میں دل کے سارے داغ انہیں کو دکھاؤ نگا

37 views
bottom of page