top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

نبی کی ذات ہے کیا مظہر صلاح و فلاح

نبیﷺ کی ذات ہے کیا مظہرِ صلاح و فلاح محیطِ فیضِ اَتم مصدرِ صلاح و فلاح

گدا ہوا جو کوئی بابِ مصطفائی کا ہے اُن کے زیرِ نگیں کشورِ صلاح و فلاح

قبولِ حُسنِ عمل کے لیے دُرود شریف عجیب طرح کا ہے زیورِ صلاح و فلاح

بیانِ نعتِ شریفِ جنابِ شاہِ اُمَم زباں کی تیغ کا ہے جو ہے جوہرِ صلاح و فلاح

بہارِ نعتِ مبارک کا میں ہوا غوّاص یہی ہے میرے لیے دفترِ صلاح و فلاح

لکھا ہے میں نے یہ دیوان بمدحِ ختمِ رسل لگی ہے ہاتھ عجب گوہرِ صلاح و فلاح

کیا خدا نے جو کافؔی کو مدح خوانِ نبیﷺ عطا کیا بخدا افسرِ صلاح و فلاح

10 views
bottom of page