top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

میرے ہر کیف کا ارمان رسولِ عربی

میرے ہر کیف کا سامان رسولِ عربی

میرے ہر درد کا درمان رسولِ عربی

بے نیاز دوجہاں بحرِ سخا دل کے غنی

ہیں گدا آپ کے سلطان رسولِ عربی

آنکھ بخشی ہے تو جلووں سے سرفراز کرو

اور ہوجائے یہ احسان رسولِ عربی

تم کو ہی دیکھ کے ان دیکھے خدا کو مانا

تم ہو اللہ کی پہنچان رسولِ عربی

بندگی آپ کے عشاق کی ہے آپ کی یاد

آپ کا عشق ہے ایمان رسول عربی

زندگی آپ کے جلووں نے عطا کی ورنہ

حُسن کونین تھا بے جان رسول عربی

آپ کے ذکر سے بہتر کوئی شے اور نہیں

آپ ہی ہیں مرا ارمان رسول عربی

تا ابد یورش طوفان سے رہے گا محفوظ

آپ ہیں جس کے نگہبان رسول عربی

زمزمہ نعت کا گو نجا جو لبِ خاؔلد پر

سر خرو ہوگیا ایمان رسول عربی

12 views
bottom of page