top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

مدینہ مدینہ مدینہ مدینہ

معطّر معطّر معنبر معنبر مدینہ مدینہ مدینہ مدینہ منور منور مطہر مطہر مدینہ مدینہ مدینہ مدینہ

وہ طیّب وہ اطیب مصفّٰی مصفّٰی وہ طیبہ وہ طابہ مجلّٰی مجلّٰی گلستاں گلستاں وہ شہرِ معطّر مدینہ مدینہ مدینہ مدینہ

فضاؤں میں جس کی تجلّی تجلّی ہواؤں میں جس کی عجب روشنی سی ہیں ذرّے بھی جس کے مہ و مہر و اختر مدینہ مدینہ مدینہ مدینہ

وہ روحوں کا کعبہ حریمِ محبت دلوں کا وہ قبلہ وہ جانِ عقیدت ہیں انس و ملائک کھڑے سب برابر مدینہ مدینہ مدینہ مدینہ

شہنشاہ جس در کے ادنٰی گدا ہیں کھڑے ہاتھ پھیلائے سب اسخیا ہیں خزف ریزے جس کے ہیں لعل و جواہر مدینہ مدینہ مدینہ مدینہ

درودوں کی بستی سلاموں کی بستی مہکتی ہوئی صبحوں شاموں کی بستی حبیبِ خدا کی محبت کا مظہر مدینہ مدینہ مدینہ مدینہ

یتیموں غریبوں فقیروں کا مامن ضعیفوں کی عزّت حفاظت کا ضامن سکونِ دل و جاں ہے یہ شہرِ دلبر مدینہ مدینہ مدینہ مدینہ

یہاں کی جو مٹی بھی خاکِ شفا ہے یہ فیضِ کفِ پائے شاہِ ھدٰی ہے شفاؤں کا منبعِ عطاؤں کا مصدر مدینہ مدینہ مدینہ مدینہ

یہی آرزو ہے مری عمر بھر کی پسِ مرگ مٹی ملے ان کے در کی چلوں وجد کرتا ظفر ان کے در پر مدینہ مدینہ مدینہ مدینہ

ڈاکٹر ظفر اقبال نوری ۔ امریکہ

32 views
bottom of page