top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

عکسِ جمالِ ذات نہ دیکھا تِرے سِوا

عکسِ جمالِ ذات نہ دیکھا تِرے سِوا مظہر خدا کا ہم نے پایا تِرے سِوا

کیا مانگے تجھ سے یہ تِرا منگتا تِرے سِوا دل میں نہیں ہے کوئی تمنا تِرے سِوا

کِس کی جبینِ عرش میں یہ آب و تاب ہے ہے کس کا ثبت نقشِ کفِ پا تِرے سِوا

کعبہ کو جس نے قبلۂ عالم بنا دیا تھی کس کی چشمِ ناز وہ شاہا تِرے سِوا

کِس کی رضا ہے مرضئ خالِق سے ہمکنار ہے کس کے سر پہ تاجِ فَتَرضیٰ تِرے سِوا

یہ سیلِ حسن و نُور، یہ طوفانِ رنگ و بُو ہے کون جلوہ گر پسِ پردا تِرے سِوا

دنیا ہزار حُسن دکھاتی رہی مگر تیرا جو تھا کِسی کو نہ چاہا تِرے سِوا

پیشِ نظر ہے آیۂ اَتْمَمْتُ نِعْمَتِیْ ہے دین کون؟ کون ہے دنیا تِرے سِوا

پوری ہو اَب تو اختؔرِ بےکس کی آرزو کِس سے کہے یہ سرورِ والا تِرے سِوا

10 views
bottom of page