top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

عشقِ خیرالانام رکھتے ہیں

عِشق خیر الانام رکھتے ہیں

ایک کیف ِ دوام رکھتے ہیں

دِردِ لَب ان کا نام رکھتے ہیں

خود پہ دوزخ حرام رکھتے ہیں

کتنا محفوظ ہے سکوں اس کا

وہ جسے شاد کام رکھتے ہیں

اُن کے مستوں کا کیف کیا کہنا

مے کدہ ساز جام رکھتے ہیں

باد شاہوں کو جو نصیب نہیں

ہم نبی کے غُلام رکھتے ہیں

اسی گلی کے گدائے خاک نشیں

اِک نمایاں مقام رکھتے ہیں

ذِکرِ سرور کے فیض سے باقی

ہم بھی عالم میں نام رکھتے ہیں

جگمگاتے ہیں عاشقان ِ رسول

دل میں ماہِ تمام رکھتے ہیں

جو نبی کے غُلام ہیں خاؔلد

سارا عالم غُلام رکھتے ہیں

8 views
bottom of page