top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

عشقِ حضرت نہیں تو کچھ بھی نہیں

ادب سے نام ِ محمد کو چوم لیتا ہوں

غموں کے نقش مٹا کر میں جھوم لیتا ہوں

خیال سرور عالم میں کھو کے اے خاؔلد

تمام عرصۂ ہستی میں گھوم لیتا ہوں

عِشق حضرت نہیں تو کچھ بھی نہیں

گریہ دولت نہیں تو کچھ بھی نہیں

ان کی چوکھٹ پہ سر ہو دَم نکلے

ایسی قسمت نہیں تو کچھ بھی نہیں

ہو تصّور میں گنبدِ خِضرا

یوں عبادت نہیں تو کچھ بھی نہیں

لاکھ عَابد ہو، لاکھ زاہد ہو

اُن سے نسبت نہیں تو کچھ بھی نہیں

دین و دنیا کا ہے یہ سرمایہ

دَردِ اُلفت نہیں تو کچھ بھی نہیں

نزع کے وقت رُو برو خاؔلد

اُن کی صورت نہیں تو کچھ بھی نہیں

7 views
bottom of page