top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

صرف اتنا ہی نہیں غم سے رہائی مل جائے

صرف اتنا ہی نہیں غم سے رہائی مل جائے وہ جو مل جائیں تو پھر ساری خدائی مل جائے

میں یہ سمجھوں گا مجھے دولتِ کونین ملی راہ طیبہ کی اگر آبلہ پائی مل جائے

دور رکھنا ہو تو پھر جذب اویسی دے دو تاکہ مجھ کو بھی تو کچھ کیف جدائی مل جائے

عرش بھی سمجھے ہوئی اس کو بھی معراج نصیب ان کے دیوانے کے دل تک جو رسائی مل جائے

ہو عطا ہم کو بھی سرکار عبادت کا شعور ہم کو بھی ذائقہ ناصیہ سائی مل جائے

اللہ اللہ رے اس عارض والشّمس کا نور جس پہ پڑجائے اسے دل کی صفائی مل جائے

جس کو سہنا نہ پڑے پھر الم ہجر و فراق اخؔتر خستہ جگر کو وہ رسائی مل جائے

11 views
bottom of page