top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

شفیعُ الامم ماہِ طیبہ کی باتیں

شاہِ بطحا کی باتیں عرض نمودہ : محمد حسین مشاہدؔ رضوی

شفیعُ الامم ماہِ طیبہ کی باتیں کریں دم بدم شاہِ بطحا کی باتیں

جسے خَلق قرآن کہتی ہے ، وہ ہے اُسی خُلقِ خیرُ البَرایا کی باتیں

سِیہ بختیِ شب ہو پل میں منوّر جو چِھڑ جائیں اُس زُلفِ شاہا کی باتیں

رہے حجرۂ جاں تصور سے روشن لبوں پر ہوں روضۂ والا کی باتیں

رہے اُس کی یادوں سے شاداب ہستی کیے جائیں طیبہ و طابہ کی باتیں

اگر ہو تلاشِ سکون و مروّت پڑھیں سیرتِ پاکِ آقا کی باتیں

ہو مقصد مساواتِ انسانیت ، گر تو دیکھیں غریبوں کے ملجا کی باتیں

ثناے پیمبر وظیفہ ہو میرا بسیں روح میں وصفِ مولیٰ باتیں

مُشاہدؔ پہ ہو لطف کچھ ایسا یارب لکھے ہر گھڑی شاہِ بطحا کی باتیں

6 views

Recent Posts

See All
bottom of page