top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

سیرتِ پاک تفسیرِ قرآن ہے

ذِکرِ خیر البشر کو عاَم کریں روحِ غمگین کو شاد کام کریں نام ان کا سجَا کے ہونٹوں پر روشن اپنا جہاں میں نام کریں

سیرتِ پاک تفسیر قرآن ہے میرے پیارے محمد کی کیا شان ہے

ان کی پہچان اللہ کی پہچان ہے میرے پیارے محمد کی کیا شان ہے

اولیاء اصفیا ان کے پالے ہوئے چاند تارے انہیں کے اجالے ہوئے

ہر تجلی پہ ان کا ہی احسان ہے میرے پیارے محمد کی کیا شان ہے

ہر کرم ہر عطا کا وہ معیار ہے ہر خزانے کا لاریب مختار ہے

بندہ پرور دو عالم کا سلطان ہے میرے پیارے محمد کی کیا شان ہے

سورۂ نور اُن کا رُخ پُرضیا زلف واللّیل ہے آنکھ بحر عطا

حسنِ کونین قدموں پہ قربان ہے میرے پیارے محمد کی کیا شان ہے

پیار ان کا ہے سرمائیہ دو جہاں ان کا غم بندگی درد آرامِ جاں

میکدہ روح کا انکا ارمان ہے میرے پیارے محمد کی کیا شان ہے

حرف آغازِ قرآں سے وَالنّاس تک منظر ِ حسن سے حُسن ِ احساس تک

خالقِ حُسن انکا ثناخوان ہے میرے پیارے محمد کی کیا شان ہے

دین ہے ان کے جینے کی پیاری ادا یاد ان کی ہے معراجِ یادِ خدا

ان کی نسبت سے ایمان ایمان ہے میرے پیارے محمد کی کیا شان ہے

آپ کو جاننا حق کو پہچاننا آپ کو اپنا حاجت روا ماننا

اور کس چیز کا نام عرفان ہے میرے پیارے محمد کی کیا شان ہے

سوزِ عشق نبی حاصل ِ بندگی اور خاؔلد کا ایمان بھی ہے یہی

عظمتیں دیکھ کر عقل حیران ہے میرے پیارے محمد کی کیا شان ہے

9 views
bottom of page