top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

زباں پہ جب نامِ رحمتِ ذوالجلال آیا کمال آیا

زباں پہ جب نامِ رحمتِ ذوالجلال آیا کمال آیا یہ سننے والے پکار اُٹھے کمال آیا کمال آیا

وہ جس کی دعوت پہ کہنے لبیک سر کے بل ہر زمانہ پہنچا وہ جس کی بیعت کو عبد ہر خوش خصال آیا کمال آیا

جہالتوں کے دلوں میں پیوست ہوتے جاتے تھے لفظ سارے کلام کرنے کو جب وہ شیریں مقال آیا کمال آیا

جو بحرِ ظلمت کی شب اندھیری سے ہو چکے تھے کہیں معطل وہ ضابطے میرا شاہ کرنے بحال آیا کمال آیا

صہیب و سلمان جس کے خُلقِ عظیم سے دینِ حق میں آئے اُسی کے اخلاق سے میسر بلال آیا کمال آیا

بروزِ محشر جب اُس کے دیدار کی جھلک دیکھی عالمیں نے یہ شور اُٹھا کہ پیکرِ ہر جمال آیا کمال آیا

حضور پھر سے بلائیے گا پھر اپنا جلوہ دکھائیے گا بوقتِ رُخصت زباں پہ جب یہ سوال آیا کمال آیا

غموں میں پھر حوصلہ کہاں تھا کہ مجھ کو مشکل میں ڈال دیتے مصیبتوں میں درود بن کر جو ڈھال آیا کمال آیا

میں اپنے روز و شبِ سیہ میں گزر رہا تھا کہ مجھ کو ازہر ثنائے سرکارِ دوجہاں کا خیال آیا کمال آیا

محمد اویس ازہر مدنی

NaatAcademy

0 views

Recent Posts

See All
bottom of page