top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

راحتِ قلبِ عاشقاں ہیں آپ

راحت قلبِ عاشقاں ہیں آپ

جانِ تسکیں سرورِ جاں ہیں آپ

ہے گداؤں کا آپ ہی سے بھرم

ناز بردارِ بے کساں ہیں آپ

فکر روزِ حساب کیوں ہو مجھے

شافعِ جُملہ عاصیاں ہیں آپ

دور کب ہوں تمہارے قدموں سے

دِل وہیں ہے مرا جہاں ہیں آپ

اس سے خائف بھنور بھی طوفان بھی

جس کی کشتی کے پاسباں ہیں آپ

اے کس بیکساں شہ خوباں!

خوب روؤں کی خوبیاں ہیں آپ

آپ ہیں آپ حاصل عرفاں

سرِ قدرت کے راز دوں ہیں آپ

بے نشاں کر سکے گی کیا دنیا

میرے آقا مرا نشاں ہیں آپ

آپ کا وصف اور خاؔلد سے

کس قدر اس پہ مہر باں ہیں آپ

25 views
bottom of page