top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

رات دن اُن کے کرم کے گیت ہم گاتے رہے

رات دن اُن کے کرم کے گیت ہم گاتے رہے

بے طلب بخشش ہوئی ہم بے سبب پاتے رہے

اپنی بد اعمالیوں پر ہم تو شرماتے رہے

اور کرم پر ہی کرم سرکار فرماتے رہے

یہ کرم بھی بارہا سرکار فرماتے رہے

نعت میں لکھتا رہا سرکار لکھواتے رہے

صاحب ِ معراج کی نسبت مدینہ بن گئی،

ہم تصور میں وہاں آتے رہے جاتے رہے

جب سے آغوش ِ کرم میں لے لیا سرکار نے

جس قدر طوفان اُٹھے مجھ کو راس آتے رہے

رات بھر جشنِ چراغاں ہی رہا اشکوں کی خیر

آپ کی یادوں میں ڈھل کر نور برساتے رہے

وہ مری فریاد سے پہلے مدد کو آگئے

اور ہونگے وہ جنہیں حالات تڑپاتے رہے

ان پہ اتراؤ کنارے سے لگائیں گے وہی

ڈوب جاؤ گے اگر غیروں پہ اتراتے رہے

کچھ نہ تھا مقصود بدار ِ محمد کے سوا

ان کے دیوانے ہر اک منصب کو ٹھکراتے رہے

ان کی نسبت نے سرِ ساحل مجھے پہنچا دیا

گو کئی طوفاں مری کشتی سے ٹکراتے رہے

رحمۃ ٍ لّلِعٰالمین کی شان ِ رحمت کے نثار

دشمنوں پر بھی کرم سرکار فرماتے رہے

ذکرِ محبوب خدا کا فیض ہے خاؔلد کہ ہم

نعت سے عشّاق کی محفل کو مہکاتے رہنے

19 views
bottom of page