top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

ذکر جہاں میں ہم سب پڑ کر کیوں ضائع لمحات کریں

ذکر جہاں میں ہم سب پڑکر کیوں ضائع لمحات کریں آؤ پڑھیں والشّمس کی سورت روئے نبی ﷺکی بات کریں

جن کے آنے کی برکت سے دھرتی کی تقدیر کھلی آؤ ہم سب ان چرنوں پر جان و دل سوغات کریں

نور خدا ہے نور نبی ہے نور ہے دیں اور نور کتاب ہم ایسے روشن قسمت کیوں تاریکی کی بات کریں

رحمت والے پیارے نبی ﷺ پر پڑھتے رہو دن رات درود آؤ لوگوں اپنے اوپر رحمت کی برسات کریں

کیا یہ صورت ان کو دکھانے کے لائق ہے غور کرو سامنے ان کے ہوں شرمندہ کیوں ایسے حالات کریں

قبر میں ھَاھَالَااَدْرِیْ کہنے کی رسوائی سے بچو بگڑی حالت کب بنتی ہے چاہے لاکھ ھَیْھَاتَ کریں

اہل عشق گزر جاتے ہیں دارونار کی منزل سے اہل خرد کے بس میں نہیں ہے اہل عشق کی مات کریں

رات پر ان کی زلف کے سائے دن عارض کا صدقہ لائے کیوں نہ پھر ان کے دیوانے یاد انھیں دن رات کریں

یہ لذّات کی دنیا کب تک؟ اس کی اسیری ٹھیک نہیں آؤ سمجھ سے کام لیں اخؔتر خود کو طالب ذات کریں

5 views
bottom of page