top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

دونوں عالم میں محمدﷺ کا سہارا مانگو

دونوں عالم میں محمد کا سہارا مانگو

مانگو اللہ سے اللہ کا پیارا مانگو

اُن کی نسبت ہے سلامت تو سلامت ہم بھی

اُن کی نسبت کے سوا کچھ نہ خدارا مانگو

اِس سے بڑھ کر کوئی دارَین میں نعمت ہی نہیں

اُن کے صدقے سے رکھو کام اُتارا مانگو

جِس کو سب تاجِ نبوّت کا نگیں کہتے ہیں

عرشِ عزت کا وہ تابندہ ستارا مانگو

اُن کی یاد اُن کا سہارا ہے کنارا اپنا

ناخداؤں سے نہ طوفان سے کنارا مانگو

مثلِ خورشید و قمر خود بھی منوّر ہو جاؤ

بحرِ انوار سے انوار کا دھارا مانگو

رقص کرتی ہوئی یہ روح مدینے جائے

موت سے جاں کے عوض ان کا نظارا مانگو

اِضطراب اور سِوا ہوگیا دیدار کے بعد

باریابی کے لیے اِذن دو بارا مانگو

اُن کے دَر پر بڑا اعزاز ہے منگتا ہونا

مانگنا کام تمہارا ہے تمہارا مانگو

کون ہے اُن سا سخی اور کہاں جاؤ گے

نام لیوا ہو اُنہیں کے تو گزارا مانگو

بے وسیلہ تو نہیں ہو کہ پریشاں ہو جاؤ

ہو جو زحمت میں تو رحمت کا اشارا مانگو

مانگ لی مل بھی گئی اُن کی محبّت خاؔلد

اَب خُدا سے بھی نہ کچھ اور خُدا را مانگو

23 views
bottom of page