top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

دور اے دل رہیں مدینے سے

دور اے دل رہیں مدینے سے

موت بہتر ہے ایسے جینے سے

ان سے میرا سلام کہہ دینا

جاکے تو اے صبا قرینے سے

ہر گلِ گلستاں معطر ہے

جانِ گلزار کے پسینے سے

یوں چمکتے ہیں ذرّے طیبہ کے

جیسے بکھرے ہوئے نگینے سے

ذکرِ سرکارﷺ کرتے ہیں مومن

کوئی مر جائے جل کے کینے سے

بارگاہِ خدا میں کیا پہونچے

گر گیا جو نبی کے زینے سے

پیجئے چشمِ ناز سے ان کی

میکشوں کا بھلا ہے پینے سے

اس تجلی کے سامنے اخترؔ

گل کو آنے لگے پسینے سے

103 views
bottom of page