top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

خاکِ وطن سے دور بلا لیجئے مجھے

خاکِ وطن سے دور بلا لیجئے مجھے طیبہ میں اب حضورﷺ بُلا لیجئے مجھے

لطفِ عمیم آپﷺ، رؤف و رحیم آپﷺ میں ہُوں ہمہ قصور بلا لیجئے مجھے

خالی ز حُسن و کیف بہ ہر کیف ہے حیات تا بزمِ رنگ و نور بلا لیجئے مجھے

مومن کی جان سے بھی زیادہ قریں ہیں آپ کیا آپ سے ہے دُور بلا لیجئے مجھے

معراجِ دیدِ گنبدِ خضرٰی نصیب ہو جانِ کلیمِ طُور بلا لیجئے مجھے

تیرِ حوادثات کی بارش ہے روز و شب زیرِ ردائے نور بلا لیجئے مجھے

اے مستقل نشاط، ہمہ کیفِ سرمدی تامنزلِ سُرور بلا لیجئے مجھے

اے کارسازِ اخترِؔ محتاج و بے نوا امسال تو ضرور بلا لیجئے مجھے!

11 views
bottom of page